អាយុទើបតែ ២៥ ឆ្នាំ CEO រូបសង្ហា អ៊ឹង ស៊ីវឈន់ ត្រូវបានមហាជនសរសើរពូកែទាំងការធ្វើជំនួញ និង កំពុងជោគជ័យក្នុងដំណើរជីវិតគូ។
បើនិយាយពីគូជីវិត ប្រិយមិត្តប្រាកដជាបានដឹង និង លួចច្រណែនផងដែរ ដែលលោកបានភ្ជាប់ពាក្យជាមួយនារីគូស្នេហ៍ ស្ថិតក្នុងសែរាជវង្សនោះគឺ ព្រះអង្គម្ចាស់ក្សត្រិយ៍ នរោត្តម ពង្សសូរិយា កាលពីថ្ងៃទី ០១ ខែ ឧសភា ឆ្នាំ ២០២៥ ក្រោយពេលមើលចិត្តថ្លើមគ្នាប្រមាណ ៦ ឆ្នាំ។
ក្រឡេកមកអាជីវកម្មវិញ CEO ដែលកាន់កាប់ក្រុមហ៊ុនទឹកបរិសុទ្ធដ៏ល្បីនៅកម្ពុជានេះ ក៏ជាបុគ្គលវ័យក្មេងមានសមត្ថភាពខ្ពស់ អាចដឹកនាំក្រុមហ៊ុនរីកចម្រើនក្នុងរយៈពេលដ៏ខ្លី។ ជាក់ស្តែង ថ្មីៗនេះ លោកបានបង្ហោះនៅលើទំព័រហ្វេសប៊ុករបស់ខ្លួនថា៖ «ចូលកាន់ប្រូវីដាដំបូងអាយុ ២៣ ឆ្នាំ មានរោងចក្រតែមួយ ប៉ុន្តែឥលូវខ្ញុំអាយុ ២៥ ឆ្នាំហើយ បានសាងសង់រោងចក្រប្រូវីដាថ្មីបន្ថែមបានមួយទៀត។ ភ្លេចៗខ្លួនអាយុជិត ៣០ ឆ្នាំបាត់។»
ក្រៅពីកាន់កាប់ក្រុមហ៊ុនខាងលើ លោក អ៊ឹង ស៊ីវឈន់ ដែលគេស្គាល់ថាជា កូនប្រុសរបស់ ឧកញ៉ា អ៊ឹង ប៊ុនហ៊ូវ និង លោកជំទាវ ហេង សុខា ក៏ជាម្ចាស់ភោជនីយដ្ឋាន Omakase ប្រណីតមួយឈ្មោះថា Hangetsu Phnom Penh ស្ថិតនៅក្នុងតំបន់បឹងកក់ រាជធានីភ្នំពេញផងដែរ៕
