ពិតណាស់ ចំពោះការវិលត្រឡប់ជាថ្មីរបស់បវរកញ្ញា ឈុំ ចាន់ដារ៉ា Miss Supranational Cambodia 2024 ក្នុងការប្រកួតដណ្ដើមមកុដម្ដងទៀតក្នុងឆ្នាំ 2025 នេះ ត្រូវបានមហាជនអ្នកគាំទ្រចាប់អារម្មណ៍តាមដាន និង បង្ហាញការគាំទ្រខ្លាំង ព្រោះមើលឃើញពីសមត្ថភាពដ៏លេចធ្លោរបស់នាង។
បើនិយាយពីសមត្ថភាពវិញ កញ្ញា ឈុំ ចាន់ដារ៉ា គឺទទួលបានការស្រឡាញ់ពេញចិត្តខ្លាំងពីមហាជនតាំងពីក្លាយជាម្ចាស់មកុដ Miss Supranational Cambodia 2024 មក ដោយសារមើលឃើញថាកញ្ញា ឈុំ ចាន់ដារ៉ា ជាតារាសម្ដែងស្រីដែលមានទាំងសមត្ថភាព ទេពកោសល្យ ព្រមទាំងរូបសម្រស់ស្រស់ស្អាត មានចំណេះដឹងស័ក្តិសមតំណាងឱ្យកម្ពុជាលើឆាកអន្តរជាតិយ៉ាងពិតប្រាកដ។
ជាក់ស្ដែង ស្របពេលកម្មវិធីដំណើរការបានជាច្រើនវគ្គកន្លងទៅនេះ និង សល់តែ ១ ថ្ងៃទៀតកម្មវិធីឈានដល់វគ្គផ្ដាច់ព្រ័ត្រ ងាកមើលបេក្ខភាព ឈុំ ចាន់ដារ៉ា កាន់តែធ្វើឱ្យមហាជនចាប់អារម្មណ៍ខ្លាំងជាមួយភាពលេចធ្លោរបស់នាងពីមួយវគ្គទៅមួយវគ្គ ដោយមកដល់ពេលនេះ បើសរុបចំនួនពានរង្វាន់ដែលនាងទទួលបានពីការប្រកួត MSC 2025 កន្លងមក គឺចំនួន ៣ ពានរង្វាន់ហើយ។
ក្នុងនោះ ពានរង្វាន់ដែលបេក្ខភាព ឈុំ ចាន់ដារ៉ា ទទួលបានពីកម្មវិធី Miss Supranational Cambodia 2025 មាន៖
១. ពាន Miss Supra Social Media Vote
២. ពានរង្វាន់ Supra Star
៣. ពានរង្វាន់ Supra Victor ៕
