នៅសល់មិនប៉ុន្មានថ្ងៃទៀតប៉ុណ្ណោះ តារាចម្រៀងប្រុសស្រី លោក ជី ដេវីត និង អ្នកនាង ទេព បូព្រឹក្ស បានក្លាយជាកូនកំលោះកូនក្រមុំក្នុងរោងជ័យតាមប្រពៃណីហើយ ដោយអ្នកទាំងពីរបានត្រៀមរៀបចំថ្ងៃពិសេសយ៉ាងធំដុំអធិកអធមនៅថ្ងៃទី ៧ ខែមិថុនា ឆ្នាំ ២០២៥ ខាងមុខ។
ស្របពេលកំពុងត្រៀមខ្លួនសម្រាប់ថ្ងៃសិរីមង្គលខាងមុខនេះ ងាកទៅមើលអនាគតកូនកំលោះកូនក្រមុំក្នុងរោងជ័យទាំងពីររូប បានដឹកដៃគ្នាថតរូប Pre-Wedding ក្នុងឈុតសម្លៀកបំពាក់ប្រពៃណីខ្មែរដ៏ស្អាតៗប្រណីតគ្រប់ទម្រង់ជាបន្តបន្ទាប់ ទាំងក្នុង និង ក្រៅប្រទេស ដោយមានទាំងគ្រងឈុតបុរាណថតរូបបែប Concept ជំនាន់មុន។ លើសពីនោះទៀតសោត គឺការថតនៅមុខប្រាសាទបុរាណខ្មែរជាច្រើនទីតាំង រួមមានមុខប្រាសាទអង្គរវត្ត ប្រាសាទព្រះវិហារ និង ប្រាសាទកោះកេរជាដើម។
យ៉ាងណាមិញ ងាកទៅកាន់រោងមង្គលការឯណោះវិញ លោក ជី ដេវីត និង អ្នកនាង ទេព បូព្រឹក្ស ក៏បានបង្ហាញនូវ concept យ៉ាងប្រណីតលើផេកហ្វេសប៊ុករបស់ខ្លួនហើយដែរ ដោយមានទាំងបែបបុរាណយ៉ាងប្រណីត និង សម័យយ៉ាងស៊ីវីល័យ ប៉ុន្តែក្នុងនោះអ្វីដែលគួរឱ្យចាប់អារម្មណ៍ គឺមង្គលការរបស់តារាចម្រៀងរ៉េបប្រុសស្រីទាំង ២ រូបនេះ បានអញ្ជើញភ្ញៀវប្រមាណ ៣ ពាន់នាក់ ដូច្នេះហើយធៀបការត្រូវបានបែកចែកទៅតាម zone ដោយបានដាក់ទៅតាមឈ្មោះប្រាសាទរួមមាន ប្រាសាទអង្គរវត្ត, ប្រាសាទព្រះវិហារ និង ប្រាសាទកោះកេរ ជាដើម៕
