កាលពីថ្ងៃទី ២៦ ខែតុលា ឆ្នាំ ២០២៥ កន្លងទៅនេះ នៅក្នុងប្រទេសថៃបានប្រទះនូវហេតុការណ៍មួយ ដោយមានដុំភ្លើងដ៏ចម្លែកមួយបានហោះចោលពន្លឺយ៉ាងខ្លាំងលើមេឃ ហើយផ្ទុះបែកលាន់រង្គើដីគួរឱ្យភ្ញាក់ផ្អើល។

តាមព័ត៌មានបានឱ្យដឹងថា ដុំភ្លើងចម្លែកនេះត្រូវបានគេប្រទះឃើញនៅម៉ោងប្រមាណ ១២ និង ៣០ នាទីយប់ ឈានចូលថ្ងៃទី ២៦ ខែតុលា ឆ្នាំ ២០២៥ ដោយមានការរាយការណ៍មកថា ប្រជាជនបានឃើញច្រើននាក់ណាស់ ជាពិសេសគឺអ្នករស់នៅតំបន់ភាគកណ្តាលផ្ទាល់ ដែលមានដូចជាទីក្រុងបាងកក និង ខេត្តអយុធ្យា ជាដើម។

ក្នុងនោះ មានអ្នកឃើញបានរៀបរាប់ឱ្យដឹងថា ដុំភ្លើងមួយនេះបានហោះយឺតនៅលើមេឃ រួចហើយក៏ផ្ទុះបែកលាន់យ៉ាងខ្លាំងដល់ថ្នាក់រង្គើដី និង រង្គើរបងផ្ទះ ហើយក៏ស្រាប់តែរលាយបាត់វិញមួយរំពេចតែម្តង។ យ៉ាងណាមិញ ដុំភ្លើងមួយនេះមិនប្រាកដថាជាអាចម៌ផ្កាយ ឬ ផ្កាយដុះកន្ទុយនោះទេ ហើយក៏មិនដឹងថាអាចឱ្យជាប្រផ្នូរអ្វីដល់ប្រទេសថៃនោះដែរ៕

ប្រភព៖ Khaosod