មានទៅមានមក! ក្បត់ចិត្តប្រពន្ធទៅលួចមានស្រីរហូតមានកូន រួចក៏ត្រលប់មកត្រូវគ្នានឹងប្រពន្ធដើមវិញរហូតមានកូនម្នាក់ទៀត ចុងក្រោយទើបដឹងថា ខ្លួនអសមត្ថភាពមិនអាចមានកូនបាន

ថ្មីៗនេះ សារព័ត៌មាន Sin Chew បានរាយការណ៍ពីករណីដ៏គួរឱ្យហួសចិត្តរបស់បុរសម្នាក់នៅកូរ៉េខាងត្បូង ដែលបានក្បត់ចិត្តភរិយាលួចមានស្រីរហូតដល់មានកូន ហើយក៏ត្រឡប់មកត្រូវគ្នាជាមួយភរិយាវិញរហូតមានកូនម្នាក់ទៀត តែចុងក្រោយទើបដឹងថាតាមពិតខ្លួនឯងមានបញ្ហាផ្លូវភេទ គ្មានសមត្ថភាពមានកូនបាន។

តាមព័ត៌មានបានឱ្យដឹងថា បុរសខាងលើនេះបានរៀបការជាមួយភរិយាអស់ចំនួន ៦ ឆ្នាំ ប៉ុន្តែគ្មានកូនមួយគ្រាប់ឡើយ លុះក្រោយមកស្រ្តីជាប្រពន្ធក៏ចាប់បានថាប្តីរបស់ខ្លួនលួចមានស្រីខាងក្រៅរហូតមានកូនជាមួយគ្នា ទើបនាងក៏ដាក់ពាក្យប្តឹងលែងលះ ហើយចំណែកបុរសជាប្តីក៏បានទៅរៀបការជាមួយនឹងស្រ្តីជាប្រពន្ធចុងនោះ។ តែក្រោយពីស្រ្តីជាប្រពន្ធចុងសម្រាលកូនរួច បុរសនេះក៏ដឹងថាកូននេះមិនមែនជាកូនរបស់ខ្លួនឡើយ ហើយក៏សុំនាងលែងលះ រួចក៏ត្រឡប់ទៅត្រូវគ្នាជាមួយប្រពន្ធដើមវិញ។

លុះត្រឡប់មកត្រូវគ្នាជាមួយប្រពន្ធដើមវិញ នាងក៏ចាប់ផ្តើមពពោះកូនដំបូង ដែលធ្វើឱ្យបុរសនេះសប្បាយចិត្តជាខ្លាំង ហើយគិតថាជីវិតគ្រួសារនឹងមានសុភមង្គល ប៉ុន្តែអ្វីដែលគួរឱ្យហួសចិត្តនោះ បុរសនេះបានទៅពិនិត្យសុខភាពឃើញថា ខ្លួនមានបញ្ហាផ្លូវភេទម្យ៉ាង ដែលទឹកកាមគ្មានមេជីវិតឡើយ ដូចនេះហើយមិនមែនត្រឹមតែកូនប្រពន្ធចុងមិនមែនជាកូនរបស់លោកនោះទេ សូម្បីតែកូនរបស់ប្រពន្ធដើមក៏មិនមែនជាកូនរបស់លោកដូចគ្នា គឺមានន័យថា ប្រពន្ធទាំងពីរនាក់នេះបានលួចមានសហាយនៅពីក្រោយខ្នងបុរសនេះ រហូតដល់មានកូនរៀងៗខ្លួន៕

ប្រភព៖ Kapook