កន្លងមកនេះ អ្នកគាំទ្រតារាចម្រៀងរ៉េប លោក Kwan ច្បាស់ជាបានឃើញមកហើយ នូវការខ្នះខ្នែងរៀបចំស្បៀង សម្ភារប្រើប្រាស់ និង ថវិកា ដែលជាប្រាក់ផ្ទាល់ខ្លួន និង ទទួលបានពីសប្បុរធម៌ ដើម្បីជូនទៅដល់កងកម្លាំងជួរមុខ ព្រមទាំងជនភៀសសឹកផងដែរ។
ក្នុងនោះ លោក Kwan បានរៀបចំដឹកជញ្ជូនស្បៀងអាហារ សម្ភារចាំបាច់នានា ជាច្រើនឡាន ជាច្រើនតោនជាបន្តបន្ទាប់ដោយផ្ទាល់ តាមតំបន់កំពុងមានការជម្លៀសថែមទៀតផង ដែលធ្វើឱ្យអ្នកគាំទ្រសរសើរដល់ទឹកចិត្តរបស់លោកយ៉ាងខ្លាំង បើទោះជាមមាញឹកយ៉ាងណាក៏មិនភ្លេចពីសុខទុក្ខបងប្អូនជនរួមជាតិនោះឡើយ។
យ៉ាងណាមិញ ថ្មីៗនេះ លោក Kwan បានបង្ហាញគោលបំណងថ្មីរបស់លោកបន្ថែមទៀតហើយ ក្នុងការជួយដល់សង្គម ដោយលោកមានបំណងចង់យកនូវផ្ទាំងគំនូរ គូរដោយលោកផ្ទាល់ប្រមាណ ១០ ផ្ទាំង ដាក់ដេញថ្លៃយកថវិកាជួយដល់ការងារសង្គមជាបន្ត។ ដំណឹងនោះ លោក Kwan បានលម្អិតនៅលើគណនីហ្វេសប៊ុកផ្ទាល់ថា៖ «នៅមានគំនូរចាស់ៗ ដែលខ្ញុំគូរជាង ១០ ផ្ទាំង ចង់ដាក់ពិព័រណ៍ដេញថ្លៃយកធ្វើការងារសង្គម»៕
