មន្ទីរធនធានទឹក និងឧតុនិយមខេត្តកំពត បានចេញសេចក្ដីជូនដំណឹងនៅថ្ងៃទី ១៣ ខែសីហា ឆ្នាំ ២០២៥ នេះ ដល់សាធារជនឱ្យបានជ្រាបថា ចាប់ពីថ្ងៃទី ១៣ ដល់ដាច់ខែសីហា នេះ ខេត្តកំពតនឹងមានមានភ្លៀងធ្លាក់កើនឡើងពី ៥០% ទៅ៨០% ជាមួយនឹងផ្គររន្ទះ ចំណែកឯកម្ពស់ទឹកសមុទ្រក៏ខ្ពស់បង្គួរដែរ។
តាមសេចក្ដីជូនដំណឹង ស្ដីពីស្ថានភាពអាកាសធាតុរបស់មន្ទីរធនធានទឹក និងឧតុនិយមខេត្តកំពត បានឱ្យដឹងថា ស្ថានភាពអាកាសធាតុចាប់ពីថ្ងៃទី ១៣ ដល់ថ្ងៃទី ៣១ ខែសីហា ឆ្នាំ ២០២៥ ដូចតទៅ ៖
-ស្ថានភាពទឹកភ្លៀងនឹងមានបរិមាណកើនឡើង និងបង្កឱ្យមានភ្លៀងធ្លាក់ច្រើនជាងធម្យមភាគច្រើនឆ្នាំ ភវនីយភាព (ប៉ាន់ប្រមាណ ឬប្រូបាប៊ីលីតេ) ៥០% ទៅ៨០% ជាមួយនិងផ្គររន្ទះ ។
អាស្រ័យដូចបានជម្រាបជូនខាងលើ មន្ទីរធនធានទឹក និងឧតុនិយមខេត្តកំពត ជម្រាបជូនសាធារណៈជន និងប្រជានេសាទ មេត្តាយកចិត្តទុកដាក់ ប្រុងប្រយ័ត្នខ្ពស់ អំពីស្ថានភាពអាកាសធាតុក្នុងខែ សីហា ឆ្នាំ ២០២៥ ខាងមុខនេះ ដែលនឹងមានភ្លៀង ផ្គររន្ទះច្រើនលើសពីកម្រិតធម្មតា និងរលកសមុទ្រមានកម្ពស់ ខ្ពស់បង្គួរ ដើម្បីជៀសវាងពីគ្រោះថ្នាក់ផ្សេងៗ ដែលអាចកើតមានជាយថាហេតុ។
ក្នុងនោះ មន្ទីរធនធានទឹក និងឧតុនិយមខេត្តកំពត នឹងបន្តតាមដានសភាពការណ៍ធាតុអាកាស និងគោរពជម្រាប ជូនជាបន្តបន្ទាប់ ក្នុងករណីប្រែប្រួលណាមួយ៕
សូមអាចសេចក្ដីលម្អិតខាងក្រោម ៖
