មន្ទីរពិសោធមេរោគធំមួយនៅអាមេរិក ត្រូវបញ្ជាឱ្យបិទភ្លាមៗ ព្រោះអ្នកស្រាវជ្រាវជាគូស្នេហ៍ឈ្លោះគ្នាខ្លាំង ដល់ថ្នាក់លួចធ្វើរឿងខុសច្បាប់ដាក់ភាគីម្ខាងទៀត

ថ្មីៗនេះ សារព័ត៌មាន Daily Mail បានរាយការណ៍ពីករណីមន្ទីរពិសោធស្រាវជ្រាវមេរោគជំងឺមួយកន្លែងនៅសហរដ្ឋអាមេរិក ដែលត្រូវគេបញ្ជាឱ្យបិទជាបន្ទាន់ ក្រោយពីមានអ្នកស្រាវជ្រាវពីនាក់ដែលជាគូស្នេហ៍ បានឈ្លោះគ្នាយ៉ាងខ្លាំងកំឡុងពេលធ្វើការ ដល់ថ្នាក់លួចចោះឈុតការពារមេរោគគ្នាទៀត។

មន្ទីរពិសោធមួយនេះស្ថិតនៅ Frederick រដ្ឋ Maryland ហើយវាត្រូវបាននាយកដ្ឋានសុខភាពរបស់អាមេរិកចេញបញ្ជាឱ្យបិតជាបណ្តោះអាសន្នកាលពីថ្ងៃទី ២៩ ខែមេសា ឆ្នាំ ២០២៥ កន្លងទៅនេះ ដោយសារបារម្ភពីរឿងសុវត្ថិភាព ក្រោយពីមានអ្នកស្រាវជ្រាវ ២ នាក់ដែលជាគូស្នេហ៍នឹងគ្នា បានឈ្លោះគ្នាយ៉ាងខ្លាំងខណៈកំពុងធ្វើការ ហើយមានម្នាក់បានលួចចោះឈុតការពារមេរោគរបស់ម្នាក់ទៀត។

ដោយឡែក លោក Connie Schmaljohn ដែលជាប្រធាននាយកមន្ទីរពិសោធនេះ ក៏ត្រូវបានគេបញ្ជាឱ្យផ្អាកពីតំណែងដែរ ដោយសារតែមិនបានរាយការណ៍ពីរឿងនេះទៅកាន់មន្រ្តីផ្សេងៗទៀតឱ្យបានដឹង។ យ៉ាងណាមិញ អាជ្ញាធរនឹងធ្វើការស៊ើបសួរទាក់ទងនឹងករណីនេះជាបន្តទៀត ដើម្បីរក្សាសុវត្ថិភាព ព្រោះមន្ទីរពិសោធនេះ ជាកន្លែងដែលផ្ទុក និង​ សិក្សាអំពីមេរោគសាហាវៗដូចជាមេរោគ Ebola មេរោគ Corona និង វីរុស Lassa ជាដើម៕

ប្រភព៖ Kapook