មហាជននិយមតាមដានវីដេអូបែបកំប្លែង ច្បាស់ជាធ្លាប់ទស្សនាមកហើយនូវវីដេអូរបស់ «អាក្លូ» និង «អាកច់» ដែលត្រូវបានគេយកមកបញ្ជូលសំឡេង ធ្វើជាវីដេអូបែបកំប្លែង និង Troll ជាដើម។
យ៉ាងណាមិញ អាចនឹងមានមហាជនមួយចំនួនតូចបានដឹងពីរឿងរ៉ាវពិតរបស់តួអង្គ «អាក្លូ» និង «អាកច់» ដោយតួអង្គទាំង ២ គឺជាជនជាតិ នីហ្សេរីយ៉ា និង មិនមែននៅក្មេងដូចទៅនឹងរូបរាងនោះទេ ពោលគឺម្នាក់ៗមានវ័យជាង ៤០ ឆ្នាំហើយ។ លើសពីនោះ ម្នាក់ៗសុទ្ធតែជាតារាសម្តែងល្បី រកចំណូលសល់ទ្រព្យសម្បត្តិរាប់លានដុល្លារ។
១. អាក្លូ
តួអង្គ អាក្លូ គឺមានឈ្មោះពិតថា Osita Iheme។ លោក Osita Iheme MFR គឺជាតារាសម្តែង ជាអ្នកនិពន្ធ ជាផលិតករភាពយន្ត និង ជាតារាកំប្លែងជនជាតិនីហ្សេរីយ៉ា ដែលត្រូវបានគេស្គាល់ថាជាតួ Pawpaw ក្នុងរឿង «Aki na Ukwa»។ ក្នុងនោះ តួអង្គ អាក្លូ កើតនៅថ្ងៃទី ២០ ខែកុម្ភៈ ឆ្នាំ ១៩៨២ ដោយបច្ចុប្បន្ន លោកមានវ័យជិត ៤៣ ឆ្នាំហើយ។
២. អាកច់
តួអង្គ អាកច់ គឺមានឈ្មោះពិតថា Chinedu Ikedieze។ លោក Chinedu Ikedieze គឺជាតារាសម្តែង សហគ្រិន និង វិនិយោគិនជនជាតិនីហ្សេរីយ៉ា។ តួអង្គ អាកច់ ត្រូវបានគេស្គាល់ខ្លាំងឡើង នៅពេលលោកបានសម្តែងរឿង «Aki na Ukwa» នៅក្នុងឆ្នាំ ២០២២ ដោយសម្តែងជាតួអង្គ Aki។ តារាសម្តែងជនជាតិនីហ្សេរីយ៉ា រូបនេះ បានសម្តែងភាពយន្តជាច្រើនមកហើយក្នុងរយៈពេលជាង ២២ ឆ្នាំ លើវិថីសិល្បៈរបស់លោក។ បច្ចុប្បន្ន លោក Chinedu Ikedieze តួអង្គ អាកច់ មានអាយុ ៤៧ ឆ្នាំ ហើយ ដោយលោកមានថ្ងៃកំណើតនៅថ្ងៃទី ១២ ខែធ្នូ ឆ្នាំ ១៩៧៧៕
