ក្រោយពីការដាក់បញ្ចាំងខ្សែភាពយន្តរឿង «ភ្លើងឆេះក្លឹបក្រោមដី» នៅតាមបណ្តារោងភាពយន្តក្នុងប្រទេសកម្ពុជាប្រមាណជាជិត ១ សប្តាហ៍មកនេះ មហាជនជាច្រើន ច្បាស់ជាបានឃើញមកហើយនូវការចែករំលែកចំណាប់អារម្មណ៍ និង វីដេអូនៃសាច់រឿងពាសពេញបណ្តាញសង្គមនានា។
អ្នកដែលបានទស្សនា Trailer និង ភាពយន្តពេញនៃរឿង «ភ្លើងឆេះក្លឹបក្រោមដី» មួយចំនួន ក្រៅពីការដក់អារម្មណ៍នឹងសាច់រឿងទាំងមូលនោះ សូម្បីតែបទចម្រៀងក្នុងរឿងនេះ ក៏បានរងំជាប់នៅក្នុងត្រចៀកដែរ។ ក្នុងនោះដែរ ចម្រៀងចំនួន ២ បទ ដែលបានបន្លឺឡើងក្នុងភាពយន្តនេះរួមមានបទ «ជួបហើយម្តេចព្រាត់» និង បទ «រស់ក្នុងសម្ពាធឯកា»។
១. បទ «ជួបហើយម្តេចព្រាត់»
បទចម្រៀង «ជួបហើយម្តេចព្រាត់» នេះ គឺជាបទចម្រៀងស្ថិតក្នុងផលិតកម្ម SSB ដែលជាការបកស្រាយដោយលោក ហេង ប៊ុនលាភ និង អ្នកនាង យ៉ុង ចាន់កណ្ណិកា។ បទនេះដែរ បានចេញតាំងពីឆ្នាំ ២០០៥ មកម្ល៉េះ។
២. បទ «រស់ក្នុងសម្ពាធឯកា»
បទចម្រៀងបែបមនោសញ្ចេតនា «រស់ក្នុងសម្ពាធឯកា» ដែលត្រូវបានបកស្រាយនៅក្នុងសាច់រឿងដោយតួឯកប្រុស គឺជាសំនៀងដើមរបស់លោក សាល បាទី ដែលបានចេញនៅក្នុងឆ្នាំ ២០២១៕
