កាលពីថ្ងៃទី ៧ ខែកញ្ញា ឆ្នាំ ២០២៥ កន្លងទៅនេះ មានករណីទឹកជំនន់ពីទឹកភ្លៀងបានវាយប្រហារតំបន់ជាច្រើនយ៉ាងខុសប្រក្រតីនៅក្នុងទីក្រុងបាងកក ដែលបង្កឱ្យប្រជាជនមានការជ្រួលច្របល់មិនតិចឡើយ។
យ៉ាងណាមិញ ក្រោយការស៊ើបអង្កេត អាជ្ញាធរបានរកមូលហេតុឃើញថា មានសំរាមជាច្រើន ជាមួយពស់ថ្លាន់ដ៏ធំមួយក្បាលបានទៅជាប់គាំងក្នុងម៉ាស៊ីនបូមទឹកដ៏ធំប្រចាំក្រុង ដែលស្ថិតនៅមាត់ព្រែកបាងឃែន ទើបធ្វើឱ្យម៉ាស៊ីនមិនបានដំណើរការត្រឹមត្រូវបង្ហូរទឹកមិនទាន់ រហូតបង្កជាការជន់លិចជាច្រើនកន្លែងនៅក្នុងទីក្រុងបាងកក។
ដោយឡែក អាជ្ញាធរផ្នែកប្រព័ន្ធប្រឡាយ នាយកដ្ឋានលូ និងប្រព័ន្ធលូរបស់រដ្ឋបាលក្រុងបាងកកបានដោះស្រាយបញ្ហានេះដោយជោគជ័យ ដោយបានយកពស់ថ្លាន់ខាងលើចេញ ហើយបានជួសជុលម៉ាស៊ីនបូមទឹក និងសម្រួលប្រព័ន្ធបង្ហូរទឹកដើម្បីត្រៀមដោះស្រាយជាមួយនឹងទឹកជំនន់ដោយសារទឹកភ្លៀងម្តងទៀត៕
ប្រភព៖ Khaosod
