កាលពីថ្ងៃទី ១១ ខែវិច្ឆិកា ឆ្នាំ ២០២៤ កន្លងទៅនេះ តារាប្រុស លោក ហេង នរៈកក្កដា បានធ្វើឱ្យអ្នកគាំទ្រមានការភ្ញាក់ផ្អើលយ៉ាងខ្លាំង ដោយសុខៗលោកបានដឹកដៃនារីស្រស់សោភាអ្នកក្រៅសិល្បៈមួយរូប ភ្ជាប់ពាក្យបញ្ចប់ឈ្មោះជាសង្សារក្លាយជាគូដណ្តឹង។
ក្នុងដែរ ពិធីភ្ជាប់ពាក្យរបស់លោក ហេង នរៈកក្កដា បានរៀបចំឡើងពោរពេញដោយស្នាមញញឹម ដោយមានការចូលរួមពីសំណាក់ភ្ញៀវកិត្តិយស ជាពិសេសមិត្តសិល្បករជាច្រើនផងដែរ។
យ៉ាងណាមិញ កាលពីថ្ងៃទី ០៧ ខែកក្កដា ឆ្នាំ ២០២៥ កន្លងទៅ លោក ហេង នរៈកក្កដា ទើបតែទទួលបានការជូនពរជាហូរហែរពីសំណាក់មិត្តភក្តិអ្នកគាំទ្រ ស្រាប់តែលោកបានប្រកាសដំណឹងភ្ញាក់ផ្អើលជាថ្មី ដោយលោក និង គូដណ្តឹងបានចែកផ្លូវគ្នាហើយ។
ក្នុងនោះ លោក ហេង នរៈកក្កដា បានរៀបរាប់ថា៖ «ជូនដំណឹងចំពោះបងប្អូន! ខ្ញុំបាទ និង អតីតគូរដណ្តឹងរបស់ខ្ញុំបានដល់ផ្លូវទាល់ហើយ ដោយមិនអាចបកក្រោយវិញបាននោះទេ ដោយសារតែពួកខ្ញុំរស់នៅមិនចុះសម្រុងនឹងគ្នា។ យ៉ាងណាសូមជូនពរអូន មានសុខភាពល្អ ជួបមនុស្សល្អ ជោគជ័យគ្រប់ភារៈកិច្ច និង មានសុភមង្គលពេញមួយជីវិត។ សូមមានសេចក្តីសុខ និង រីករាយណាអូន! អរគុណពេលវេលាកន្លងមក»៕
