អ្នកលេងបណ្តាញសង្គមហ្វេសប៊ុក និង Tik Tok ច្បាស់ជាបានចាប់អារម្មណ៍មកហើយ នូវគូរបស់ប៉ាម៉ាក់វ័យក្មេង គឺលោក ណារ៉ូ និង អ្នកនាង លីនដា ដោយក្រោយទទួលបានចំណងដៃកូនស្រីបន្ទាប់ពីរៀបការហើយ ដោយគូស្នេហ៍ Influencer នេះ កាន់តែទទួលបានការចាប់អារម្មណ៍ខ្លាំងពីអ្នកគាំទ្រ។
កន្លងមក លោក ណារ៉ូ និង អ្នកនាង លីនដា ធ្លាប់បានទទួលការចាប់អារម្មណ៍ពីការផលិតវីដេអូបែបកម្សាន្តរបស់អ្នកទាំង ២ រួចជាស្រេចទៅហើយតាមបែបយុវវ័យ អ្នកទើបមានគូ និង អ្នករៀបការថ្មីថ្មោង ជាដើម។ យ៉ាងណាក៏ដោយ ក្រោយទទួលបានចំណងដៃកូនស្រីរួចហើយនោះ ប៉ាម៉ាក់មួយគេនេះបានបន្ថែមការផលិតមាតិកាបែបលក្ខណៈគ្រួសារកាន់តែធ្វើឱ្យអ្នកគាំទ្រចូលចិត្តទស្សនាវីដេអូរបស់ លោក ណារ៉ូ និង អ្នកនាង លីនដា កាន់តែខ្លាំង។
ជាក់ស្តែង ថ្មីៗនេះ លោក ណារ៉ូ និង អ្នកនាង លីនដា បានបង្កើតគណនី Tik Tok ថ្មីមានឈ្មោះថា «Naro & Lin» ដោយបង្ហោះរាល់គ្រប់សកម្មភាព និង មាតិកាក្នុងនាមជាប៉ាម៉ាក់វ័យក្មេង ពាក់ព័ន្ធនឹងបទពិសោធ ជាពិសេសនោះការកម្សាន្តសប្បាយតែម្តង។ ក្នុងនោះវីដេអូផលិតចេញមកមួយៗ លោក ណារ៉ូ និង អ្នកនាង លីនដា ទទួលបានការសរសើរ ថាប៉ាម៉ាក់មួយគូនេះពូកែកំប្លុកកំប្លែងទៀតផង៕
