អ្នកគាំទ្រកម្ពុជាជាច្រើន ពិសេសយុវវ័យច្បាស់ជាបានស្គាល់ក្រុមចម្រៀងបុរសដ៏ល្បី La Cima Cartel ហើយ ដែលក្រុមចម្រៀងមួយនេះកំពុងមានប្រជាប្រិយ និង សន្ទុះគាំទ្រខ្លាំងក្នុងស្រទាប់យុវវ័យ តាមរយៈស្នាដៃបទចម្រៀងល្បីៗ និង ពីរោះជាច្រើនកន្លងមក។
លើសពីនោះ រយៈពេលប៉ុន្មានឆ្នាំចុងក្រោយនេះ ក្រុមចម្រៀង La Cima Cartel ដែលសមាជិកទាំង ៧ រូប ដូចជា លោក Hasha, លោក YCN Tomie, លោក Meezy24k, លោក All3rgy, លោក YCN Dizzy, លោក Mut Phearin និង លោក YCN Rakhie ក៏បានក្លាយទៅជាទូតសុឆន្ទៈរបស់បណ្តាក្រុមហ៊ុនល្បីៗជាច្រើននៅក្នុងប្រទេសកម្ពុជា។
ងាកមកកាន់រឿងរ៉ាវឯកជនវិញ ច្បាស់ណាស់មានអ្នកគាំទ្រ ជាពិសេសហ្វេននារីៗជាច្រើនហាក់ចង់ដឹងពីកំលោះសង្ហាទាំង ៧ ដោយខ្លះចង់ដឹងពីម្ចាស់បេះដូង និង ខ្លះចង់ដឹងពីជីវិតរស់នៅឯកជន ជាដើម។
យ៉ាងណាមិញ កន្លងមក «ប្រជាប្រិយ» ធ្លាប់បានជម្រាបនូវរឿងរ៉ាវឯកជនរបស់សមាជិក La Cima Cartel ទាំង ៧ រូប ខ្លះមកហើយ ប៉ុន្តែថ្ងៃនេះយើងនឹងនាំលោកអ្នកទៅស្គាល់ឈ្មោះពិតរបស់សមាជិកនីមួយៗវិញម្តង។
១. Hasha
Hasha ជាប្រធានក្រុម La Cima Cartel និង ជា Rapper មានឈ្មោះពិតថា «ថន ច័ន្ទភូម្នី»។
២. Meezy24K
Meezy ដែលជាតារាចម្រៀង និង ជា Rapper របស់ក្រុម La Cima Cartel មានឈ្មោះពិតថា «ឡុញ ប្រុសមាស»។
៣. All3rgy
All3rgy ដែលមានតួនាទីជា Rapper ក្នុងក្រុម La Cima Cartel និង ជាផលិករផងនោះ គឺមានឈ្មោះពិតថា «ទុយធុយ ច័ន្ទមុន្នី»។
៤. YCN Rakhie
Rakhie ដែលមានតួនាទីជា Rapper ក្នុងក្រុម La Cima Cartel និង ជាផលិករ គឺមានឈ្មោះពិតថា «គីម ណារ៉ាក់»។
៥. YCN Tomie
Tomie ដែលជា Rapper នៃក្រុម La Cima Cartel មានឈ្មោះពិតថា «កង សានវិបុល»។
៦. YCN Dizzy
Dizzy ដែលមានតួនាទីជាតារាចម្រៀងរ៉េបនៃក្រុម La Cima Cartel មានឈ្មោះពិតថា «កែ កូលីន»។
៧. Mut Phearin
Phearin ដែលមានតួនាទីជាតារាចម្រៀងក្នុងក្រុម La Cima Cartel និង ជាផលិតករផងនោះ គឺបានប្រើឈ្មោះពិតក្នុងសិល្បៈតែម្តង គឺ «មុត ភារិន»៕
