ថ្មីៗនេះ ផេកផ្លូវការរបស់ ផ្លូវល្បឿនលឿនភ្នំពេញ-ក្រុងព្រះសីហនុ បានចេញសេចក្ដីក្រើនរំឭកដល់បងប្អូនប្រជាពលរដ្ឋ ឬ អ្នកធ្វើដំណើរឆ្លងកាត់ផ្លូវល្បឿនលឿន ដើម្បីការពារសុវត្ថិភាពក្នុងការធ្វើដំណើរលើផ្លូវល្បឿនលឿនប្រកបដោយសុវត្ថិភាព សូមអ្នកបើកបរ និង អ្នករួមដំណើរ យល់ដឹងកាន់តែច្បាស់ពីបម្រាមសំខាន់ៗចំនួន ៦ ចំណុចដូចខាងក្រោម ៖
១. ហាមបើកបរត្រឡប់ក្រោយ
២. ហាមបើកបរបញ្រ្ចាសទិស ឬថយក្រោយ
៣. ហាមបើកបរលើសល្បឿនកំណត់
៤. ហាមដឹកអ្នកដំណើរនៅក្រោយរថយន្តភីកអាប់
៥. ហាមបោះសំរាមចោលតាមផ្លូវ
៦.ហាមឈប់លើគន្លងឈប់បន្ទាន់ដោយគ្មានករណីអាសន្ន
ក្នុងនោះ ក្រុមហ៊ុនក៏បានបញ្ជាក់ថា បើមានករណីបន្ទាន់ ឬមានចម្ងល់ផ្សេងៗ សូមទំនាក់ទំនង៖1399 ឬ092 33 1399 /098 33 1399៕
