ថ្មីៗនេះ រឿងរ៉ាវរបស់នារី Influencer ដ៏ស្រស់ស្អាតម្នាក់ត្រូវបានគេចែកចាយ ដោយនាងបានធ្វើ Content ចិញ្ចឹមសត្វកន្លាតជាង ៣ ម៉ឺនក្បាល នៅក្នុងបន្ទប់ជួលយ៉ាងគួរឱ្យខ្ពើម រហូតដល់អ្នកជិតខាងខ្លាចរអា ចុងក្រោយនាងត្រូវម្ចាស់បន្ទប់ជួលដេញចេញ។
តាមព័ត៌មានបានឱ្យដឹងថា នារីរូបនេះមានឈ្មោះថា Saikyou-chan ជាអ្នកបង្កើត Content នៅលើ TikTok ដ៏ល្បីមួយរូបនៅប្រទេសជប៉ុន។ ក្នុងនោះនាងមានអ្នកតាមដានជាច្រើនសែននាក់ ដោយសារតែនាងតែងតែផុសពីជីវិតប្រចាំថ្ងៃរបស់នាង ដែលរស់នៅក្នុងបន្ទប់អាផាតមិនដ៏សែនកខ្វក់ គឺពេញទៅដោយសំរាមស្អុយរលួយ ជាមួយនឹងសត្វកន្លាតរហូតដល់ទៅជាង ៣ ម៉ឺនក្បាលឯណោះ។
យ៉ាងណាមិញ របៀបនៃការរស់នៅរបស់នាងបានធ្វើឱ្យប៉ះពាល់ដល់អ្នកជិតខាង ដោយមានទាំងក្លិន និង សត្វល្អិតដែលចេញពីបន្ទប់របស់នាងបានទៅរំខានដល់អ្នកដទៃដែលរស់នៅអាគារជាមួយនាង។ លើសពីនេះទៀត នាងមិនបានបង់ថ្លៃបន្ទប់ជួលមកជាង ១ ឆ្នាំកន្លះទៅហើយ ដែលសរុបប្រមាណជា ១.២ លានយ៉េន ហើយចុងក្រោយនាងក៏ត្រូវបានម្ចាស់ផ្ទះដេញចេញ។ នៅពេលដែលនាងរៀបនឹងចេញទៅ មានស្រ្តីម្នាក់បានព្យាយាមជួយសម្អាតបន្ទប់របស់នាង តែនាងបែរជាខឹងគេច្រឡោតតោតតូងទៅវិញ៕
ប្រភព៖ Kapook
