និយាយពីសិល្បករដែលមានទាយាទជាកូនខ្មែរកាត់បរទេស មហាជនច្បាស់ជាធ្លាប់ចាប់អារម្មណ៍តាមដានហើយពីតារាស្រីរៀមច្បង ២ រូប គឺ តារាសម្ដែងស្រី កែវ ស្រីនាង និង ពិធីការិនី ខៀវ សានសាណា ក្រោយសាងគ្រួសារនឹងស្វាមីបរទេស ក៏ទទួលបានចំណងដៃកូនស្រីដ៏គួរឱ្យស្រឡាញ់ ដែលមកដល់ពេលនេះ កូនៗរបស់អ្នកទាំងពីរ មានវ័យកាន់តែធំពេញរូបពេញរាង រីឯសម្រស់ក៏កាន់តែស្អាតមិនធម្មតា។
១. អ្នកនាង កែវ ស្រីនាង
ចំពោះតារាសម្តែងល្បីឈ្មោះអ្នកនាង កែវ ស្រីនាង ក្រោយរៀបការសាងគ្រួសារនឹងស្វាមីជាជនជាតិអង់គ្លេសប៉ុន្នានឆ្នាំ ក៏ទទួលបានចំណងដៃកូនស្រីដ៏ស្រស់ស្អាត និង គួរឱ្យស្រឡាញ់ម្នាក់ឈ្មោះថា Angeline Davidar Pryce។
ពេលនេះដែរ Angeline Davidar Pryce មានអាយុប្រមាណ ២០ ឆ្នាំហើយ ដែលកាន់តែធំពេញរូបពេញរាងស្ដូក ទម្រង់មុខកាត់ទៅឪពុកជនជាតិអង់គ្លេសនោះ សម្រស់ក៏កាន់តែស្រស់ស្អាតសោភាមិនចាញ់អ្នកម្តាយជាតារាសាច់ចាំនោះទេ។
លើសពីនេះ Angeline Davidar Pryce កូនខ្មែរកាត់អង់គ្លេសរូបនេះ តែងត្រូវមហាជនអ្នកគាំទ្រ សរសើរពីសម្រស់ និង ស្ទីលលេងខ្លួនរបស់នាងបង្ហាញលើបណ្ដាញសង្គមមិនដាច់ពីមាត់ ដោយក្នុងនោះគេបានលើកឡើងថា កូនស្រីពេលកាន់តែធំពេញវ័យ រឹតតែស្អាតឆ្លាត និង រំពឹងថាថ្ងៃក្រោយនាងនឹងអាចប្រឡូកសិល្បៈដូចម្ដាយទៀតផង។
២. អ្នកនាង ខៀវ សានសាណា
ចំពោះកូនស្រីបណ្ដូលចិត្តរបស់ពិធីការិនីល្បីឈ្មោះអ្នកនាង ខៀវ សានសាណា ដែលជាតំណក់ឈាមជាមួយស្វាមីមុន និង បានយកមករួមរស់ជាមួយមើលថែ ផ្ដល់ភាពកក់ក្ដៅឱ្យរូបគេយ៉ាងពេញទំហឹងនោះ មកទល់បច្ចុប្បន្ន កូនស្រីរបស់អ្នកនាងមានអាយុ ១២ ឆ្នាំហើយ ដែលកាន់តែធំពេញវ័យ មុខមាត់នាងតូចក៏កាន់តែស្រស់សោភា ព្រោះនាងមានឈាមជ័រជាកូនកាត់ខ្មែរ-បរទេស ធ្វើឱ្យមហាជនអ្នកគាំទ្រសរសើរពីទម្រង់មុខមាត់ ពណ៌សម្បុរដ៏ល្អផូរផង់របស់នាងតូច។
យ៉ាងណាមិញ ជារឿយៗក៏តែងឃើញអ្នកម៉ាក់រូបស្រស់នេះ បង្ហោះបង្ហាញពីសកម្មភាពកូនស្រីលើបណ្ដាញសង្គមពីរូបសម្រស់ និង បង្ហាញពីការមើលថែកូនស្រីយ៉ាងយកចិត្តទុកដាក់។
ជាក់ស្ដែង មួយរយៈក្រោយ ពិធីការិនីល្បីឈ្មោះរូបនេះ បានបង្ហាញរូបភាពជាហូរហែពីកូនស្រីបណ្ដូលចិត្ត ខណៈបណ្ដើរគ្នាចូលរួមកម្មវិធីផ្សេងៗក្នុងឈុតសម្លៀកបំពាក់ដ៏ស្រស់ស្អាត មើលទៅកូនស្រីរបស់កាន់តែស្អាតប្លែកពេញក្រមុំស្ដូក ថែមទាំងពិធីការិនីរូបនេះ មានបំណងចង់ឱ្យនាងចូលប្រឡូកក្នុងវិស័យបវរកញ្ញាទៀតផង៕
