មហាជនអ្នកគាំទ្ររបស់តារាចម្រៀងរ៉េប ជី ដេវីត បានជ្រាបហើយពីជីវិតឯកជនរបស់លោក ស្របពេលកំពុងជោគជ័យលើវិថីសិល្បៈកាន់តែខ្លាំង គេសង្កេតឃើញលោករស់នៅកាន់តែហាយសូរ ប្រើប្រាស់របស់ទំនើបប្រ៊េនៗមានតម្លៃថ្លៃៗ ជាមួយនឹងស្ទីលលេងខ្លួនដ៏ស្រស់សង្ហាទាំងការឡើងឆាកប្រគំតន្ដ្រី និង ទៅណាមកណាប្រចាំថ្ងៃចាយជីវិតបែបអភិជនខ្លាំង។
ក្រៅពីសមត្ថភាពពូកែលើវិថីសិល្បៈចម្រៀង ព្រមទាំងរូបរាងដ៏សង្ហា លោក ជី ដេវីត ក៏ជាតារាចម្រៀងប្រុសមួយរូបមានអត្តចរិតរស់រាយ មានការគោរព និង គួរស្រឡាញ់ផងដែរ ដោយគ្រាន់តែពេលខ្លះត្រូវបានអ្នកគាំទ្រមួយចំនួនធ្លាប់ចង្អន់រូបលោកថាជាបុរសមុខឌឺៗតាមរយៈទឹកមុខ និង ស្ទីលលេងខ្លួនផ្សេងៗរបស់លោក។
ដោយឡែក អ្វីកាន់តែចាប់អារម្មណ៍ និង មិនធ្លាប់ដឹងទៀតពីតារាចម្រៀងប្រុសរូបនេះ ដែលថ្មីៗកន្លងទៅ តារាចម្រៀងស្រី ទេព បូព្រឹក្ស បាននិយាយទម្លាយពីអត្តចរិតពិតរបស់ស្វាមីក្នុងកិច្ចសម្ភាសមួយ នៅក្រៅពីការងារសិល្បៈ គឺលោកជាមនុស្សម្នាក់ចូលចិត្តស្ងប់ស្ងាត់ មិនសូវចូលចិត្តដើរលេងច្រើន មិនសូវមានមិត្តភក្តិ ដែលក្ដីសុខរបស់លោកភាគច្រើនគឺសំងំតែក្នុងផ្ទះ៕
សូមចុចទីនេះដើម្បីទស្សនាវីដេអូ៖
