ចុងឆ្នាំនេះ អ្នកសិល្បៈ ៣ គូ បានប្រកាសកំណត់ខែឆ្នាំចូលរោងជ័យបញ្ចប់ភាពនៅលីវយ៉ាងរំភើប

ថ្មីៗកន្លងទៅនេះ លើបណ្ដាញសង្គមមហាជនអ្នកគាំទ្រជាច្រើនបានចាប់អារម្មណ៍ចែករំលែកអបអរខ្លាំង ចំពោះចំណងស្នេហ៍អ្នកសិល្បៈ ៣ គូ បានប្រកាសពីដំណឹងល្អបន្តបន្ទាប់ ពីការកំណត់ថ្ងៃខែឆ្នាំច្បាស់ៗត្រៀមដឹកដៃគ្នារៀបចំពិធីមង្គលយ៉ាងរំភើប។ អ្នកសិល្បៈ ៣ គូនេះរួមមាន៖

១. កញ្ញា ឈិន មុន្នីនាថ និង នាយ ព្រែក

ក្រោយសាងចំណងស្នេហ៍ដ៏ផ្អែមល្ហែម និង ស្វែងយល់ចិត្តគ្នា ក្រោមការដឹងឮពីចាស់ទុំទាំងសងខាង ៦ ឆ្នាំ ថ្មីៗកន្លងទៅនេះ នាយ ព្រែក ក៏បានសម្រេចរៀបចំកម្មពិធីដ៏រ៉ូមែនទិច ដើម្បី Surprise កញ្ញា ឈិន មុន្នីនាថ និង លុតជង្គង់សុំនាងរៀបការយ៉ាងរំភើបចំពោះមុខមិត្តភក្តិជាច្រើននាក់។ លើសពីនេះ នាយ ព្រែក និង ឈិន មុន្នីនាថ ក៏បានប្រកាសកំណត់ថ្ងៃខែចូលរោងការច្បាស់ៗហើយដែរ គឺនឹងរៀបចំឡើងនៅថ្ងៃទី ៧ ខែធ្នូ ឆ្នាំ ២០២៥ ខាងមុខ ព្រមទាំងបានដឹកដៃគ្នាថត Pre-Wedding យ៉ាងស្រស់ស្អាតទៀតផង។

២. កញ្ញា រ៉េត សារីតា និង គូដណ្ដឹង

ក្រោយបង្ហើបដំណឹងរៀបការតាមប្រពៃណី និង មានការ Surprise សុំរៀបការជាង ១ ឆ្នាំ ក៏បានឃើញ រ៉េត សារីតា និង លោក Tomas Gimenez បង្ហាញសកម្មភាពថត Pre-Wedding ក្នុងឈុតប្រពៃណីខ្មែរដ៏ស្រស់ស្អាតស្រស់សង្ហាជាបន្តបន្ទាប់។ មកដល់ថ្មីៗកន្លងទៅនេះ អ្វីកាន់តែធ្វើឱ្យមហាជនរំភើបអបអរ ក្រោយថតឈុតរៀបការត្រៀមខ្លួនជាច្រើនខែ បវរកញ្ញា រ៉េត សារីតា ក៏បានបង្ហាញសកម្មភាពទៅសំអាងការរើសឈុតសម្រាប់ថ្ងៃពិសេសរបស់នាង ព្រមទាំងបានប្រកាសកាលទី ១៣ ខែកញ្ញា ឆ្នាំ ២០២៥ កន្លងទៅថាចុងឆ្នាំនេះនឹងក្លាយជាកូនក្រមុំក្នុងរោងជ័យហើយ។

៣. កញ្ញា ផេនខេក និង គូស្នេហ៍ថ្មី

មហាជនអ្នកគាំទ្ររបស់តារាភេទទី ៣ ផេន ខេក បានជ្រាបហើយពីរឿងរ៉ាវស្នេហារបស់នាង ដែលទើបបង្ហាញសកម្មភាពជាមួយអ្នកស្អំបេះដូងថ្មីច្បាស់ៗ ដោយអ្នកទាំងពីរបានដឹកដៃគ្នាថតឈុតកូនក្រមុំកូនកំលោះ និង បង្ហាញចិញ្ចៀនរៀបការ ដែលជាដំណឹងល្អត្រៀមរៀបចំថ្ងៃមង្គល។ លើសពីនេះ ថ្មីៗកន្លងទៅ ផេន ខេក ក៏ត្រូវបានគូស្នេហ៍ថ្មីលុតជង្គង់សុំរៀបការ ព្រមទាំងបានប្រកាសកំណត់ឆ្នាំរៀបការហើយដែរ គឺនៅដើមឆ្នាំ ២០២៦ ខាងមុខនេះ៕