អ្នកគាំទ្រនិយមតាមដានលោក ថេណា ច្បាស់ជាបានជ្រាបហើយពីទេពកោសល្យសិល្បៈរបស់ ថេណា ដែលអាចច្រៀង និពន្ធ និង អ្វីដែលពិសេសគឺលោកមានទេពកោសល្យអាចសម្តែងបានល្អទៀតផង។
យ៉ាងណាមិញ បើក្រឡេកទៅមើលសកម្មភាពនៅខាងក្រៅឆាករបស់លោក ថេណា វិញ តារាចម្រៀងប្រុសរូបនេះត្រូវបានគេចាត់ទុកថាជាតារាចម្រៀងប្រុសស្រគត់ស្រគំ ដែលមិនសូវចេះនិយាយស្តីនោះឡើយ រហូតគេថាលោកជាបុគ្គល Introvert ទៀតផង ប៉ុន្តែយ៉ាងណាម្ចាស់សាមីខ្លួនធ្លាប់ប្រាប់ថាលោកអត់ Introvert ទេ គ្រាន់តែជួបមនុស្សមិនសូវស្គាល់ លោកអៀនបន្តិចប៉ុណ្ណោះ។
ងាកមកកាន់ជីវិតឯកជនឯណោះវិញ អាចនឹងមានអ្នកគាំទ្រនារីៗជាច្រើនចង់ដឹងពីលោក ថេណា មិនថាតែរឿងរ៉ាវបេះដូង ឬក៏ចំណង់ចំណូលចិត្តផ្ទាល់ខ្លួននោះឡើយ។ ជាក់ស្តែង បើនិយាយពីចំណង់ចំណូលចិត្តរបស់លោកក្រៅពីការផលិតបទចម្រៀង ពេលទំនេរគឺតារាចម្រៀងប្រុសរូបនេះ ចូលចិតុ្តស្ទូចត្រី, លេងស្នូកឃ័រ និង ទាត់បាល់ ជាដើម។ ក្នុងនោះដែរ បើតាមអ្នកគាំទ្រធ្លាប់បានឱ្យដឹងថា លោក ថេណា មានថ្វីជើងល្អក្នុងការទាត់បាល់ទៀតផង៕
