បើគិតមកដល់ពេលនេះ រយៈពេលប្រមាណជិត ៥ ឆ្នាំមកហើយ ដែលតារាចម្រៀងលោក អាន គុនកូឡា បានរៀបការនឹងភរិយាស្រស់សោភាជាអតីតតារាបង្ហាញម៉ូដ តារាសម្តែង និង ជាអ្នករកស៊ីមួយរូប គឺអ្នកនាង សេក ថារ័ត្ន ហៅ ខួច។ បច្ចុប្បន្ន លោក អាន គុនកូឡា និង ភរិយា ក៏ទទួលបានចំណងដៃកូនប្រុសចំនួន ២ រូប ហើយដែរ។
ងាកទៅកាន់ភរិយា លោក អាន គុនកូឡា ឯងណោះវិញ ដូចមហាជនមួយចំនួនបានជ្រាបហើយថា មុននឹងចាប់ដៃរៀបការនឹងលោក អាន គុនកូឡា គឺអ្នកនាងក៏ជាអ្នកសិល្បៈមួយរូបដែរ ប៉ុន្តែមុនរៀបការមួយរយៈ អ្នកនាង សេក ថារ័ត្ន បានផ្តាច់អាជីពជាអ្នកសិល្បៈទាំងស្រុង ដើម្បីតួនាទីជាភរិយាល្អ អ្នកម្តាយដ៏ល្អ និង ខុសត្រូវលើកការរកស៊ីផងដែរ។
ដោយឡែក ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រគូស្វាមីភរិយាអ្នកសិល្បៈកំពុងចាប់អារម្មណ៍នឹងភរិយារបស់លោក អាន គុនកូឡា ម្តងទៀត ដោយអ្នកនាង សេក ថារ័ត្ន បានបង្ហោះវីដេអូបកស្រាយចម្រៀង cover មួយបទមានចំណងជើងថា «ថែការចងចាំ» ដែលជាសំនៀងដើមរបស់អ្នកនាង ពេជ្រ សូលីកា។
ក្នុងនោះដែរ អ្នកគាំទ្របានចូលទៅបញ្ចេញមតិសរសើរដល់អ្នកម៉ាក់កូន ២ ភរិយា លោក អាន គុនកូឡា ថាមានសំឡេងពីរោះ ត្រដមត្រសងនឹងស្វាមី ដែលជាតារាចម្រៀង។ លើសពីនោះ ក៏មានអ្នកលើកឡើងថា កន្លងមក អ្នកនាង សេក ថារ័ត្ន ជាតារាបង្ហាញម៉ូដ និង សម្តែងទេ ប៉ុន្តែសំឡេងពីរោះមិនចាញ់តារាចម្រៀងអាជីពនោះឡើយ៕
សូមចុចទីនេះ ដើម្បីទស្សនាវីដេអូ៖
