បើនិយាយដល់តារាចម្រៀងស្រី ២ រូប គឺកញ្ញា លី អ៊ីវ៉ាធីណា និង កញ្ញា អេននី ហ្សាម អ្នកគាំទ្រច្បាស់ជាបានជ្រាបមកហើយពីរឿងរ៉ាវបេះដូងរបស់អ្នកទាំង ២ ដែលកាលពីពេលថ្មីៗកន្លងទៅនេះ បានបែកបាក់ស្នេហាយ៉ាងស្ងាត់ៗតំណាលគ្នា។
ក្នុងនោះ គេបានដឹងថា កញ្ញា អេននី ហ្សាម បានបែកបាក់នឹងគូស្នេហ៍ស្រីជាតារាចម្រៀងស្រី Nona Ra រីឯកញ្ញា លី អ៊ីវ៉ាធីណា ក៏បានបែកបាក់នឹងអតីតគូស្នេហ៍ស្រីជាអ្នកក្រៅសិល្បៈម្នាក់។ យ៉ាងណាក៏ដោយ ក្រោយភ្លៀងមេឃស្រឡះ តារាស្រីទាំង ២ រូប បច្ចុប្បន្ននេះក៏ទទួលបានអ្នកស្អំបេះដូងរួចហើយដែរ ដោយខ្លះបានឈានដល់ភ្ជាប់ពាក្យទៀតផង។
១. កញ្ញា លី អ៊ីវ៉ាធីណា
ក្រោយពីបែកបាក់គូស្នេហ៍ចាស់មួយរយៈពេលហើយនោះ កញ្ញា លី អ៊ីវ៉ាធីណា កាន់តែទទួលបានសុភមង្គល ក្រោយពីបានជួបគូស្នេហ៍ថ្មីដែលមានវ័យប្អូន។ ក្នុងនោះដែរ កញ្ញា លី អ៊ីវ៉ាធីណា នឹងគូស្នេហ៍ក្រោយបានភ្ជាប់ពាក្យដឹងឮដោយចាស់ទុំសងខាង និង មានគម្រោងចូលរោងការនៅដើមឆ្នាំ ២០២៥។
២. កញ្ញា អេននី ហ្សាម
បើទោះជាគូស្នេហ៍ថ្មីមិនមែនជាអ្នកសិល្បៈដូចគ្នាក៏ពិតមែន តែកញ្ញា អេននី ហ្សាម ហាក់ទទួលបានភាពកក់ក្តៅ និង សុភមង្គលខ្លាំងជាមួយនឹងគូស្នេហ៍ក្រោយ។ ក្នុងនោះ ក្រោយសាងចំណងស្នេហ៍រយៈពេលខ្លី កញ្ញា អេននី ហ្សាម តែងតែបង្ហាញពីភាពផ្អែមល្ហែមរវាងគូស្នេហ៍នៅលើបណ្តាសង្គមជានិច្ច៕
