មកដល់ពេលនេះ រយៈពេលជាង ៣ ខែហើយ ដែលបវរកញ្ញា រឿន ណាត និង បុរសឯកលោក លាង វេងហួរ បានប្ដូរឈ្មោះពីគូស្នេហ៍ទៅជាគូដណ្ដឹងពេញមុខ ដែលបានរៀបចំកម្មវិធីភ្ជាប់ពាក្យតាមប្រពៃណីយ៉ាងធំដំកាលពីចុងខែធ្នូ ឆ្នាំ ២០២៤ កន្លងទៅ។
យ៉ាងណាមិញ ក្រោយពីបានរៀបចំកម្មវិធីភ្ជាប់ពាក្យក្លាយជាគូដណ្ដឹងនឹងគ្នាប៉ុន្មានខែមកនេះ ឃើញថាបវរកញ្ញា និង បុរសឯកមួយគូនេះ ហាក់ស្ងប់ស្ងាត់ខ្លាំងមិនឃើញបង្ហាញសកម្មភាពការងារសិល្បៈ និង វិស័យបវរកញ្ញាដូចពីមុនឡើយ ដោយឃើញអ្នកទាំងពីរ កំពុងសំងំសាងក្ដីសុខក្នុងជីវិតគូរបស់អ្នកទាំងពីរ។
ស្របពេលនេះដែរ ក្រឡេកមើលបណ្ដាញសង្គមរបស់គូដណ្ដឹងមួយគូនេះ ភាគច្រើនឃើញបង្ហាញសកម្មភាពនៅតែក្រៅប្រទេស គឺនៅឯសហរដ្ឋអាមេរិក ដែលបានដឹកដៃគ្នាទៅដើរលេងកម្សាន្តសាងក្ដីសុខយ៉ាងផ្អែមល្ហែមទៅនោះ៕
