និយាយដល់ជីវិតស្នេហារបស់តារាសម្ដែងស្រីវ័យក្មេង នូណា ក្រោយសាងស្នេហា Private នឹងគូសង្សារមើលចិត្តគ្នាប៉ុន្មានឆ្នាំ មកដល់ដើមខែ មិថុនា ឆ្នាំ២០២៥ កន្លងទៅ ក៏បានធ្វើឱ្យមហាជនអ្នកគាំទ្របង្ហាញការអបអរខ្លាំង ខណៈនាង និង គូស្នេហ៍ បានកាន់ដៃគ្នារៀបចំកម្មពិធីភ្ជាប់ពាក្យតាមប្រពៃណីយ៉ាងធំដុំ។
ក្រោយរៀបចំពិធីភ្ជាប់ពាក្យក្លាយជាគូដណ្ដឹងតាមប្រពៃណីនេះដែរ នូណា និង គូដណ្ដឹង ក៏បានចាប់ដៃគ្នាស្វែងយល់ចិត្តគ្នាបន្ថែម និង ធ្លាប់បង្ហើបពីដំណឹងនៃថ្ងៃមង្គល ឱ្យដឹងថាអ្នកទាំងពីរមានគម្រោងរៀបមង្គលការនៅឆ្នាំ ២០២៦ ខាងមុខនេះ។
តួយ៉ាង បន្ទាប់ពីភ្ជាប់ពាក្យនឹងគ្នាបានជិត ៧ ខែ មកដល់ថ្មីៗនេះ តារាសម្ដែងវ័យក្មេង នូណា និង គូដណ្ដឹងរូបសង្ហា បានដឹកដៃគ្នាទៅថត Pre-Wedding យ៉ាងផ្អែមល្ហែម ត្រៀមសម្រាប់ថ្ងៃពិសេសរបស់អ្នកទាំងពីរហើយ ដែលកូនកំលោះកូនក្រមុំមួយគូនេះ ពិតជាស្រស់ស្អាតស័ក្តិសមគ្នាខ្លាំងក្នុងឈុត Pre-Wedding ប្រៀបដូចគូស្នេហ៍ក្នុងរឿងព្រេងនិទាន៕
រូបភាព៖ Image Hunter
