កាលពីរាត្រីថ្ងៃទី ៣០ ខែតុលា ឆ្នាំ ២០២៥ កន្លងទៅនេះ កម្មវិធីប្រកួត Miss Asia Pacific International 2025 បានឈានមកដល់វគ្គ Gala Night ហើយ ដោយក្នុងនោះ បវរកញ្ញាមកពីបណ្តាប្រទេសនានាបានបង្ហាញសមត្ថភាពយ៉ាងអស្ចារ្យ តំណាងឱ្យប្រទេសរបស់ខ្លួន។
យ៉ាងណាមិញ អំឡុងពេលការប្រកួតជិតដល់ម៉ោងបញ្ចប់ហើយនោះ ស្រាប់តែមហាជនអ្នកគាំទ្រ ដែលបានទស្សនាតាមរយៈការឡាយមានការតក់ស្លុតយ៉ាងខ្លាំង ខណៈមានការរញ្ជួយដីបានកើតមានឡើងនាពេលនោះ។
ក្នុងនោះ តាមរយៈវីដេអូ គេបានឃើញបវរកញ្ញាច្រើនប្រទេសកំពុងដើរនៅលើឆាក ស្រាប់តែរញ្ជួយដីបានកើតឡើងភ្លាម ជាហេតុធ្វើឱ្យគ្រប់គ្នារត់ប្រសាចចេញពីលើឆាក ដើម្បីរកកន្លែងសុវត្ថិភាព។
យ៉ាងណាមិញ ក្រោយហេតុការណ៍ខាងលើ បានធ្វើឱ្យអ្នកគាំទ្រមានការព្រួយបារម្ភពីសុវត្ថិភាពរបស់បវរកញ្ញា ក្រុមការងារ និង អ្នកបានទៅទស្សនាផ្ទាល់នោះ ភ្លាមៗក្រោយការរញ្ជួយដីបានឈប់ ស្ថាប័ន Miss Asia Pacific International ក៏បានធ្វើសេចក្តីប្រកាសទាំងយប់ ជម្រាបពីស្ថានភាពរបស់អ្នកនៅក្នុងកម្មវិធីផងដែរ។ ជាដំណឹងល្អ ស្ថាប័ន Miss Asia Pacific International បានជម្រាបថា គ្រប់គ្នា គឺមានសុវត្ថិភាព។
គួរបញ្ជាក់ថា នៅយប់ថ្ងៃទី ៣០ ខែតុលា ឆ្នាំ ២០២៥ កន្លងទៅ កម្មវិធី Miss Asia Pacific International 2025 ក្នុងវគ្គ Gala Night បានដំណើរការយ៉ាងរលូនទៅហើយ ប៉ុន្តែស្រាប់តែមានគ្រោះរញ្ជួយដីកម្រិត 6.7 រ៉ិចទ័រ នៅទីក្រុងសេប៊ូ ប្រទេសហ្វីលីពីន៕
សូមចុចទីនេះ ដើម្បីទស្សនាវីដេអូ៖
