ជារឿងដ៏គួរឱ្យរន្ធត់ និង ភ្ញាក់ផ្អើលបំផុត នៅវេលាម៉ោង ១ និង ៤០ នាទីរសៀល ថ្ងៃទី ១៤ កុម្ភៈ ឆ្នាំ ២០២៥ នេះ មានករណីម្ដាយយកកាំបិតប៉័ងតោកាប់កូនស្រីបង្កើតអាយុ ២ ខួប បណ្ដាលឱ្យស្លាប់យ៉ាងរន្ធត់ ស្ថិតនៅចំណុចភូមិសាលាបាឡាត់ សង្កាត់អូរម៉ាល់ ក្រុងបាត់ដំបង។
បើតាមការឱ្យដឹងពីពត៌មានបានឱ្យដឹងថា ជនសង្ស័យឈ្មោះ សួ សុភា ភេទស្រី អាយុ ៣០ ឆ្នាំ រីឯកូនស្រីដែលស្លាប់ឈ្មោះ ហឿម ស្រីម៉ាច អាយុ ២ ឆ្នាំ។ បើតាមមន្ត្រីជំនាញបានប្រាប់ថា ពេលកើតហេតុ ម្ដាយ និង កូនស្រីរងគ្រោះកំពុងសំងំនៅក្នុងផ្ទះ ហើយប្ដីរបស់គាត់កំពុងទៅស៊ីឈ្នួលបូមទឹកដាក់ស្រែឱ្យគេនៅឆ្ងាយពីផ្ទះ មានតែសាច់ញាតិជនសង្ស័យទេដែលបានដឹងភ្លាមៗ ហើយទូរស័ព្ទប្រាប់ប្ដីឱ្យមកជួយ តែអកុសលកូនស្រីត្រូវម្ដាយកាប់ដាច់.កស្លាប់ និង ញាត់ចូលធុងទឹកកកបាត់ទៅហើយ។
ជុំវិញករណីនេះ បើតាមក្រុមគ្រួសារ និង ប្ដីជនដៃដល់បានប្រាប់ថា ស្ត្រីដៃដល់ធ្លាប់កើតរោគសរសៃប្រសាទ និង ធ្លាប់ប្រើថ្នាំសសៃរប្រសាទផងដែរ ហើយជាទម្លាប់ស្ត្រីរូបនៅសំងំនៅតែក្នុងផ្ទះមិនសូវនិយាយស្ដីជាមួយក្រុមគ្រួសារ ឬ អ្នកជិតខាងទេ ប៉ុន្តែនៅថ្ងៃកើតហេតុមិនដឹងយ៉ាងម៉េចបានជាស្ត្រីរូបមានចរិតកាចសាហាវ រហូតទាញកាំបិតប៉័ងតោកាប់សម្លាប់កូនស្លាប់យ៉ាងរន្ធត់ ។
បច្ចុប្បន្ន មន្ត្រីបច្ចេកទេសដែលកំពុងពិនិត្យសាកសពបានបញ្ជាក់ថា ស្ត្រីជាម្ដាយបានប្រើប្រាស់កាំបិតប៉័ងតោកាប់ដាច់កកូនស្រី ពេលនេះកម្លាំងអធិការក្រុងបាត់បាននាំខ្លួនជនសង្ស័យទៅកាន់អធិការក្រុង ដើម្បីសួរនាំចាត់ការតាមនីតិវិធីហើយ៕
ប្រភព ៖ Koh Santepheap
