នៅថ្ងៃទី ១៤ ខែសីហា ឆ្នាំ ២០២៥ នេះ អធិការដ្ឋាននគរបាលស្រុកស្អាង បានជូនដំណឹងពីការឃាត់ខ្លួនជនសង្ស័យម្នាក់ ករណី:រំលោភសេពសន្ថវៈ និង ប្រើប្រាស់ដោយខុសច្បាប់នូវសារធាតុញៀន កើតហេតុថ្ងៃទី ១៣ ខែសីហា ឆ្នាំ ២០២៥ វេលាម៉ោង ០២ និង ៣០ នាទី នៅចំណុចលេីផ្ទះរបស់ជនរងគ្រោះ ស្ថិតនៅភូមិចុងកោះកេីត ឃុំកោះខ្សាច់ទន្លា ស្រុកស្អាង ខេត្តកណ្ដាល។
តាមប្រភពព័ត៌មាន បានបញ្ជាក់ពីសភាពរឿងហេតុឱ្យបានដឹងថា នៅថ្ងៃទី ១២ ខែសីហា ឆ្នាំ ២០២៥ វេលាម៉ោង ២១ និង ០០ នាទី ជនរងគ្រោះ និង ក្រុមគ្រួសារបានឡើងលើផ្ទះសម្រាកជាធម្មតាដូចសព្វមួយដង។ ហេីយនៅវេលាម៉ោង ០២ និង ០០នាទី ថ្ងៃទី ១៣ ខែសីហា ឆ្នាំ ២០២៥ ប្ដីរបស់ជនរងគ្រោះបានភ្ញាក់ពីដំណេកដើម្បីទៅឆ្លុះកង្កែបហេីយនៅវេលាម៉ោង ០២ និង ៣០នាទី ជនរងគ្រោះបានភ្ញាក់ពីដំណេក ក៏បានរេីខ្លួនបានប៉ះជនសង្ស័យនៅចុងជើង ហើយជនសង្ស័យបានយកកណ្ដៀវមកភ្ជុងករបស់ជនរងគ្រោះកុំឱ្យមាត់ដោយមានការភ័យខ្លាចជនរងគ្រោះមិនហ៊ានស្រែកទេ ហេីយជនសង្ស័យក៏បានធ្វើសកម្មភាពចាប់រំលោភសេពសន្ថវៈទៅលើជនរងគ្រោះបានសម្រេចចំនួនមួយដង ហើយជនសង្ស័យក៏បានទៅផ្ទះរបស់គេវិញទៅ។លុះដល់វេលាម៉ោង ១៥ និង ០០នាទី ថ្ងៃទីខែឆ្នាំដដែល ជនរងគ្រោះក៏បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលកោះខ្សាច់ទន្លា ដើម្បីឱ្យជួយអន្តរាគមន៍ ពេលទទួលបានពាក្យបណ្ដឹងពីរជនរងគ្រោះភ្លាមកម្លាំងប៉ុស្តិ៍នគរបាលរដ្ឋបាលកោះខ្សាច់ទន្លា បានសហការជាមួយកម្លាំងប្រជាការពារបានឃាត់ខ្លួនជនសង្ស័យនិង វត្ថុតាងយកមកប៉ុស្តិ៍ដើម្បីធ្វើការសាកសួរ។ នៅចំពោះមុខសមត្ថកិច្ចនគរបាលជនសង្ស័យបានសារភាពថាខ្លួនពិតជាបានយកកណ្តៀវភ្ជុងកជនរងគ្រោះ និង បានធ្វើសកម្មភាពចាប់រំលោភសេពសន្ថវៈទៅលើជនរងគ្រោះពិតប្រាកដមែន។
ជនរងគ្រោះ មានឈ្មោះ ឃវថ ភេទស្រី អាយុ ២២ ឆ្នាំ ជនជាតិខ្មែរ មុខរបរកសិករ មានទីលំនៅភូមិចុងកោះកេីត ឃុំកោះខ្សាច់ទន្លា ស្រុកស្អាង ខេត្តកណ្ដាល ឯជនសង្ស័យមានឈ្មោះ តេង សុខម៉ិញ ភេទប្រុស អាយុ ២៥ ឆ្នាំ ជនជាតិខ្មែរ មុខរបរកសិករ មានទីលំនៅភូមិចុងកោះកេីត ឃុំកោះខ្សាច់ទន្លា ស្រុកស្អាង ខេត្តកណ្ដាល មានសារធាតុញៀនក្នុងទឹកនោមវិជ្ជមាន។ បច្ចុប្បន្នជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកស្អាងដើម្បីកសាងសំណុំរឿងចាត់ការតាមនីតិវិធី៕
ប្រភព ៖ អធិការដ្ឋាននគរបាលស្រុកស្អាង
