ជារឿងដ៏គួរឱ្យរន្ធត់ និង នឹកស្មានមិនដល់ ដោយនៅយប់រំលងអាធ្រាត្រថ្ងៃទី ១៦ ខែមិថុនា ឆ្នាំ ២០២៥ មានករណីឃាតកម្មទៅលើក្មេងប្រុសអាយុ ៦ ឆ្នាំ មួយរូប បណ្ដាលឱ្យស្លាប់បាត់បង់ជីវិតគួរឱ្យស្រណោះ។
ទាក់ទិនទៅនឹងករណី តាមរយៈប្រភពព័ត៌មានបានឱ្យដឹងថា ករណីឃាតកម្មដ៏គួរឱ្យរន្ធត់ និង នឹកស្មានមិនដល់នេះ បានកើតឡើងនៅចំណុចភូមិគោកធំ ឃុំបុស្បា ស្រុកព្រះនេត្រព្រះ ខេត្តបន្ទាយមានជ័យ ដែលជនដៃដល់បានកាត់ក្បាលកុមារាអាយុ ៦ ឆ្នាំម្នាក់ រួចបានយកទៅកប់ក្នុងដី ក្បែរជម្រុកស្រូវក្រោយផ្ទះ នៅយប់រំលងអាធ្រាត្រថ្ងៃទី ១៦ ខែមិថុនា ឆ្នាំ ២០២៥។
ក្រោយកើតហេតុ ប្រជាពលរដ្ឋបានសហការជាមួយកម្លាំងនគរបាល ឈានដល់ការឃាត់ខ្លួនបុរសម្នាក់ដែលគេសង្ស័យថាពាក់ព័ន្ធករណីឃាតកម្មដ៏ព្រៃផ្សៃ និង កាចសាហាវនេះ៕
ប្រភព ៖ CNC
