ព្រះអើយ! ជនជាតិថៃគ្មានការពិចារណា ខ្វះក្តីមេត្តា បង្កចលនារើសអើងជាតិសាសន៍ ប្រើហិង្សាលើពលករខ្មែរនៅក្នុងប្រទេសថៃ មានចំនួន ៣ ករណីហើយ

ចាប់តាំងពីចាប់ផ្តើមកើតមានវិវាទរឿងព្រំដែនកម្ពុជា-ថៃមក សង្កេតឃើញប្រជាជនថៃជាច្រើនតែងតែបញ្ចេញការមើលងាយរើសអើងមកលើប្រជាជនកម្ពុជា ជាពិសេសពលករចំណាកស្រុកដែលកំពុងធ្វើការ និង រស់នៅក្នុងប្រទេសថៃ។ លុះដល់វិវាទឈានដល់ការបាញ់បោះ ថ្មីៗនេះប្រជាជនថៃមួយចំនួនក៏កាន់តែបញ្ចេញសណ្តានគ្មានមេត្តា នាំគ្នាបង្កើតជាក្រុមដើរប្រព្រឹត្តអំពើហិង្សាយ៉ាងគួរឱ្យស្អប់ខ្ពើមទៅលើប្រជាជនខ្មែរដែលរស់នៅក្នុងប្រទេសថៃ ដោយមិនបានពិចារណាពីសីលធម៌ និង គុណធម៌ជាមនុស្សសោះ។ ខាងក្រោមនេះ គឺជាករណីបង្កហិង្សាត្រួសៗចំនួន ៣ ករណី ដែលប្រជាជនថៃបានបង្កលើប្រជាជនខ្មែរ ៖

១​​. បុរសជាជនជាតិថៃម្នាក់ បានបង្ខំឱ្យពលករជនជាតិខ្មែរ​ ២ នាក់ និយាយភាសាខ្មែរប្រាប់ឱ្យកងទ័ពខ្មែរដកទ័ពចេញ រួចទះពលករមួយកំផ្លៀង

២. យុវជនជនជាតិខ្មែរម្នាក់ ត្រូវបានក្រុមក្មេងស្ទាវថៃ នាំគ្នាព្រួតវាយឡើងទ្រោមខ្លួន ក្រោយពីសួរនាំដឹងថាជាជនជាតិខ្មែរ

៣. ក្រុមក្មេងទំនើងជនជាតិថៃជាច្រើននាក់ បាននាំគ្នាព្រួតវាយបុរសជាជនជាតិខ្មែរយ៉ាងអនាធិបតេយ្យ ដែលកំពុងដើរនៅតាមផ្លូវ

ប្រភព៖ Akane