កាលពីប៉ុន្មានថ្ងៃមុន ព្រះអង្គម្ចាស់ក្សត្រិយ៍ នរោត្តម ពង្សសូរិយា ត្រូវបាន CEO វ័យក្មេងរូបសង្ហា លោក អ៊ឹង ស៊ីវឈន់ រៀបចំធ្វើ proposal សុំរៀបការ ដែលធ្វើឱ្យទ្រង់រំភើបចិត្តរហូតស្រក់ទឹកភ្នែក។ ជាមួយអារម្មណ៍រំភើបនៅឡើយ ថ្មីៗនេះ ព្រះអង្គម្ចាស់ក្សត្រិយ៍ នរោត្តម ពង្សសូរិយា ទ្រង់ក៏បានបង្ហោះសាររៀបរាប់នៅលើបណ្តាញសង្គមផងដែរ។
ជាក់ស្តែង ភ្ជាប់មកជាមួយរូបភាពប៉ុន្មានសន្លឹក ព្រះអង្គម្ចាស់ក្សត្រិយ៍ នរោត្តម ពង្សសូរិយា បានសរសេរខ្លឹមសារថា៖ «ផុសយឺតបន្តិច ព្រោះខ្ញុំមានអារម្មណ៍ជាច្រើន ហើយមិនដឹងនិយាយយ៉ាងណាទើបល្អ ប៉ុន្តែរឿងមួយដែលខ្ញុំច្បាស់ គឺខ្ញុំមិនដែលមានអារម្មណ៍រីករាយ រំភើប និង មានអំណរគុណបែបនេះទេ។
ខ្ញុំមានអារម្មណ៍ថាមានសំណាង និង ក្ដីសុខដែលបានទទួលការ surprise ដ៏ពិសេសពីគូដណ្តឹងរបស់ខ្ញុំ ប៉ុន្តែអ្វីដែលធ្វើឱ្យខ្ញុំចាប់អារម្មណ៍បំផុតនោះ គឺការបានឃើញមនុស្សទាំងអស់ដែលខ្ញុំស្រលាញ់ និង គោរព បានមកជួបជុំគ្នាក្នុងបន្ទប់តែមួយ ដើម្បីអបអរក្ដីស្រលាញ់។
ខ្ញុំសូមថ្លែងអំណរគុណយ៉ាងជ្រាលជ្រៅអស់ពីបេះដូង ចំពោះក្រុមគ្រួសារទាំងសងខាង ចំពោះការផ្ដល់កិត្តិយស ពេលវេលា ការស្រលាញ់ និង វត្តមានចូលរួម។
ហើយចំពោះមិត្តជាទីស្រលាញ់របស់ខ្ញុំ សូមអរគុណអ្នកដែលតែងតែនៅទីនេះ ផ្ដល់ក្ដីស្រលាញ់រាប់អានមិនដែលប្រែប្រួល និង ចូលរួមចែករំលែកភាពរីករាយមួយនេះ។
បើមានអ្នកណាឆ្ងល់ថា ហេតុអ្វីបានជាមិនមានរូបថតច្រើន គឺដោយសារតែភាគច្រើនមានតែរូបខ្ញុំយំ ដោយសាររំភើបពេក»៕
