ថ្មីៗនេះ មានព័ត៌មានមួយបានឱ្យដឹងថា លោក Dan Rivera ដែលជាអ្នកស្រាវជ្រាវរឿងផ្លូវក្នុងដ៏ល្បីមួយរូប បានបាត់បង់ជីវិតដោយអាថ៌កំបាំងនៅក្នុងវ័យ ៥៤ ឆ្នាំ ក្រោយពីបានយកតុក្កតាបិសាច Annabelle ទៅជាមួយខ្លួនក្នុងការធ្វើកម្មវិធី Devils on the Run Tour។
តាមព័ត៌មានបានឱ្យដឹងថា Dan ជាប្រធានអ្នកស្រាវជ្រាវរឿងផ្លូវក្នុងនៅអង្គការ NESPR (New England Society for Psychic Research) និង ជាអតីតទាហានអាមេរិកមួយរូប។ លោកត្រូវបានគេប្រទះដេកស្លាប់ម្នាក់ឯងនៅក្នុងបន្ទប់សណ្ឋាគារមួយកន្លែងឈ្មោះ Gettysburg ក្នុងរដ្ឋ Pennsylvania សហរដ្ឋអាមេរិក កាលពីថ្ងៃយប់ថ្ងៃទី ១៣ ខែកក្កដា ឆ្នាំ ២០២៥ កន្លងទៅ។ តាមព័ត៌មានបានឱ្យដឹងថា លោកកំពុងតែស្ថិតក្នុងការដឹកនាំកម្មវិធី Devils on the Run Tour ដែលជាការចុះទៅកន្លែងដែលមានខ្មោច ឬ បិសាចលង ក៏ដូចជាកន្លែងដែលមានប្រវត្តិគួរឱ្យខ្លាចផ្សេងទៀត ដោយបានយកតុក្កតាបិសាច Annabelle ពិតប្រាកដទៅជាមួយដែរ។
យ៉ាងណាមិញ សាកសពរបស់លោកកំពុងតែត្រូវគេពិសោធរកមូលហេតុស្លាប់ពិតប្រាកដ តែយ៉ាងណាក៏ដោយការស្លាប់របស់លោកបានធ្វើឱ្យមហាជនចៀសមិនផុតឡើយ ពីការសង្ស័យទាក់ទងនឹងរឿងព្រាយបិសាច រឿងផ្លូវក្នុងផ្សេងៗ ព្រោះតែលោកគឺជាអ្នកជំនាញទាក់ទងនឹងរឿងនេះផ្ទាល់។ ជាពិសេសនោះ គឺម្នាក់ៗនាំគ្នាភ័យខ្លាច និង សង្ស័យថាការស្លាប់របស់លោក អាចមកពីស្នាដៃតុក្កតាបិសាច Annabelle ក៏ថាបានដែរ៕
ប្រភព៖ Khaosod
