នៅថ្ងៃទី ៦ ខែមិថុនា ឆ្នាំ ២០២៥ នេះ ក្រុមគណៈកម្មាធិការប្រជាជនដើម្បីការផ្លាស់ប្តូរប្រទេសថៃ បាននាំគ្នាទៅបាតុកម្មតវ៉ាដល់មុខស្ថានទូតកម្ពុជា នៅក្នុងប្រទេសថៃ ទាក់ទងនឹងជម្លោះព្រុំដែនរវាងកម្ពុជា និង ថៃដែលកំពុងតែក្តៅគគុកនេះ។
ក្រុមនេះ បាននាំគ្នាសម្តែងការតាំងចិត្ត និង ជំហរក្នុងការការពារអធិតេយ្យភាពរបស់ថៃ ដោយបានលើកស្លាកជាច្រើនទាមទារឱ្យរដ្ឋាភិបាលធ្វើការដាច់ខាតជាមួយនឹងកម្ពុជាទាក់ទងនឹងបញ្ហានេះ ព្រមទាំងបានដៀមដាមដល់រដ្ឋាភិបាលខ្លួនទៀតថាឱ្យឈប់ធ្វើការយឺតយ៉ាវទៀតផង។
ដោយឡែក ខាងអាជ្ញាធរបានបានពង្រាយកម្លាំងជាង ១០០ នាក់ ក្នុងការពារជុំវិញស្ថានទូតកម្ពុជា ព្រមទាំងបានដាក់របងលួសផងដែរ ដើម្បីការពារក្រុមបាតុករពីការបង្កហេតុហិង្សាណាមួយដែលអាចបណ្តាលឱ្យមានការខូចខាតដល់ស្ថានទូត៕
