មហាជនអ្នកប្រើប្រាស់បណ្ដាញសង្គម បាននាំគ្នាចូលរួមរំលែកទុក្ខទៅកាន់ក្រុមគ្រួសារសព និង ចែករំលែកបន្តគ្នាព្រោងព្រាត ករណីក្មេងស្រី ៣ នាក់បានលង់ទឹក បាត់បង់ជីវិត ត្រង់ចំណុចកំពង់ចម្លង ស្ថិតក្នុងភូមិសាស្ត្រខណ្ឌជ្រោយចង្វារ រាជាធានីភ្នំពេញ។
ទាក់ទិនទៅនឹងករណីនេះ បើតាមព័ត៌មានបឋមដែលទទួលបានពីគណនីដែលមានឈ្មោះ Rin Ratanak បានបង្ហោះសារ និង រូបភាពឱ្យបានដឹងថា នៅរសៀលថ្ងៃទី ២០ ខែមីនា ឆ្នាំ ២០២៥ នេះ មានករណីក្មេងស្រី ដែលជាសិស្សសាលាព្រៃក្របៅ រៀនថ្នាក់ទី ៧ ចំនួន ៣ នាក់ បានលង់ទឹកបាត់បង់ជីវិត នៅចំណុចកំពង់ចម្លងឫស្សីកោះដាច់ ស្ថិតក្នុងសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ។
យ៉ាងណាមិញ នេះគ្រាន់ជាព័ត៌មានបឋម សម្រាប់ព័ត៌មានលម្អិតបន្ថែម យើងខ្ញុំនឹងជម្រាបជូននៅពេលក្រោយ៕
ប្រភព និង រូបភាព ៖ Rin Ratanak
