ពូជទុរេនមួយប្រភេទនៅវៀតណាម ធ្លាក់ថ្លៃខ្លាំងមួយគីឡូមិនដល់ ១ ដុល្លារ ធ្វើឱ្យកសិករដាក់គរលក់ស្ញេះពេញផ្លូវ

ថ្មីៗនេះ ប្រទេសវៀតណាមកំពុងប្រទះបញ្ហាមួយ ដែលផ្លែទុរេនពូជ Ri6 កំពុងតែមានការធ្លាក់ថ្លៃជាខ្លាំង ដល់ថ្នាក់មួយគីឡូមិនដល់ ១​ ដុល្លារនោះទេ។

តាមព័ត៌មានបានឱ្យដឹងថា នៅក្នុងខែឧសភា ឆ្នាំ ២០២៥ នេះ ទុរេន Ri6 នៅតាមតំបន់ដីសណ្តទន្លេមេគង្គរបស់វៀតណាម មានការធ្លាក់តម្លៃគួរឱ្យកត់សម្គាល់ ពោលគឺនៅត្រឹម ០.៩៨ សេនប៉ុណ្ណោះបើទិញនៅក្នុងចម្ការផ្ទាល់ គឺមានការធ្លាក់ចុះពី ០.២០ សេន ទៅ ០.៥៩ សេនក្នុងមួយគីឡូក្រាមបើធៀបនឹងខែមុន។ ក្នុងនោះ ម្ចាស់ចំការជាច្រើនបាននាំគ្នាយកទុរេនមកដាក់លក់តាមផ្លូវ ព្រោះតែបានថ្លៃខ្ពស់ជាង គឺចាប់ពី ១.១៧ ដុល្លារ ដល់ ២.៣៤ ដុល្លារក្នុងមួយគីឡូក្រាមអាស្រ័យលើគុណភាព។

លោក Nguyen Thi Giang អនុប្រធានមន្ទីរកសិកម្ម និង បរិស្ថានខេត្ត Hau Giang បានចង្អុលបង្ហាញពីបញ្ហាប្រឈមនៅក្នុងទីផ្សារទុរេនថា ទីផ្សារនាំចេញ ជាពិសេសទៅកាន់ប្រទេសចិន មានការបង្កើនតម្រូវការគុណភាពដែលធ្វើឱ្យកសិករមួយចំនួនពិបាកលក់ចេញទៅក្រៅប្រទេស។ ម្យ៉ាងទៀតការខ្វះខាតឈ្មួញទិញនៅក្នុងស្រុក ទោះបីជាទុរេនមានតម្លៃទាបក៏ដោយ ហើយគុណភាពទុរេនមិនល្អជាប់លាប់ ទើបធ្វើឱ្យអ្នកទិញផ្តោតទៅលើតែទុរេននាំចូល៕

ប្រភព៖ Freshplaza