ថ្មីៗនេះ កម្មវិធីប្រកួតបវរកញ្ញា Miss World 2025 បានរកដំណែងម្ចាស់ម្កុដឃើញហើយ ដោយបានទៅលើ Opal Suchata វ័យ ២១ ឆ្នាំ ជាបរវកញ្ញាតំណាងឱ្យប្រទេសថៃ និង ជាបេក្ខភាពដែលមានប្រវត្តិតស៊ូព្យាយាមមិនតិចឡើយនៅក្នុងវិស័យបរវកញ្ញានាពេលកន្លង។
តាមព័ត៌មានបានឱ្យដឹងថា Opal បានចាប់ផ្តើមប្រឡូកក្នុងវិស័យបវរកញ្ញាក្នុងឆ្នាំ ២០២២ ដោយកាលនោះនាងបានចូលប្រកួតក្នុងកម្មវិធី MUT 2022 តែមិនបានទទួលជ័យលាភីផ្លែផ្កាអ្វីឡើយ។ តែយ៉ាងណាក៏ដោយ នាងមិនបានបោះបង់ចោលក្តីស្រមៃឡើយ លុះមកដល់ឆ្នាំ ២០២៤ ក្រោយពីបានសំងំហ្វឹកហាត់ និង អភិវឌ្ឃខ្លួន Opal ក៏បានចូលប្រកួត MUT 2022 សាជាថ្មី។ លើកនេះ អាចនិយាយបានជាភាពជោគជ័យដំបូងរបស់នាង ដោយនាងស្រវាបានតំណែងលំដាប់រងទី ៣ និង ជាជនជាតិអាស៊ី ដែលស្ថិតក្នុង TOP5 របស់កម្មវិធី។
មកដល់ឆ្នាំ ២០២៥ នេះ Opal ក៏នៅតែបន្តដំណើរទៅមុខទៀត ដោយនាងបានចូលប្រកួតកម្មវិធី Miss World ឆ្នាំ ២០២៥ ទោះបីជាតំណែងលំដាប់រងទី ៣ នៅក្នុងកម្មវិធី MUT 2024 របស់នាងត្រូវបានគេដកចោលក៏ដោយ។ យ៉ាងណាមិញ លើកនេះ Opal បានទទួលសមិទ្ធផលនៃការខំប្រឹងប្រែងរបស់នាងមកជាយូរ គឺនាងបានតំណែងជាម្ចាស់មកុដក្លាយជា Miss World 2025 ក្រោមការអបអរសាទរយ៉ាងអស់ពីចិត្តពីមហាជន និង អ្នកគាំទ្រទាំងឡាយ៕
ប្រភព៖ TNN
