មិនធម្មតា ទីបំផុតចិនពិតជាអាចធ្វើបាន។ កាលពីថ្ងៃសៅរ៍ សប្តាហ៍មុននេះ មនុស្សយន្តរ៉ូបូតប្រមាណ ២១ គ្រឿងបានចូលរួមជាមួយអ្នករត់រាប់ពាន់នាក់នៅក្នុងព្រឹត្តិការណ៍រត់ម៉ារ៉ាតុង Yizhuang half-marathon នៅឯទីក្រុងប៉េកាំង ប្រទេសចិន ហើយនេះគឺជាលើកដំបូងដែលមនុស្សយន្តបានប្រណាំងជាមួយមនុស្សក្នុងចម្ងាយផ្លូវ ២១ គីឡូម៉ែត្រ។
ក្នុងនោះមនុស្សយន្តដែលឈ្នះ មានឈ្មោះថា Tiangong Ultra បានប្រើរយៈពេលរត់ ២ ម៉ោង ៤០ នាទី និង ៤២ វិនាទី។ ចំណោមមនុស្សយន្តទាំង ២១ គ្រឿងត្រូវបាននាំមកពីក្រុមហ៊ុនចិនផ្សេងៗគ្នា ជាក់ស្តែងដូចជាក្រុមហ៊ុន DroidVP and Noetix Robotics បាននាំយកមនុស្សយន្តគ្រប់រូបរាង និង គ្រប់ទម្រង់ ខ្លះកម្ពស់ត្រឹម ១,២ ម៉ែត្រ និង ខ្លះកម្ពស់ ១,៨ ម៉ែត្រ។
ក្រុមហ៊ុនមួយបានអួតថា មនុស្សយន្តរបស់ពួកគេស្ទើរតែដូចមនុស្សទាំងស្រុង ជាមួយនឹងលក្ខណៈពិសេសបែបមនុស្សស្រី មានសមត្ថភាពអាចញាក់ភ្នែក និង ញញឹមបាន។ ក្រុមហ៊ុនមួយចំនួនក៏បានសាកល្បងមនុស្សយន្តរបស់ពួកគេជាច្រើនសប្តាហ៍មុនពេលប្រណាំងផងដែរ។ មន្ត្រីរដ្ឋាភិបាលក្រុងប៉េកាំងបានពណ៌នាព្រឹត្តិការណ៍នេះថា វាមានភាពស្រដៀងគ្នាទៅនឹងការប្រណាំងម៉ូតូ ដោយសារវាមានតម្រូវការធ្វើឡើងជាក្រុមទាំងផ្នែកវិស្វកម្ម និង ក្រុមរុករក។
ចង់ដឹងថាការប្រកួតមនុស្សពិតលាយគ្នានឹងមនុស្សយន្តប្លែកយ៉ាងណា សូមទស្សនាវីដេអូខាងក្រោម៖
ប្រភព៖ CNN
