កាលពីរាត្រីរំលងអធ្រាត្រឈានចូលថ្ងៃទី ០៦ ខែមករា ឆ្នាំ ២០២៥ នេះ អ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រ និង មិត្តក្នុងរង្វង់សិល្បៈមានក្តីរន្ធត់ចិត្តយ៉ាងខ្លាំង ក្រោយទទួលដំណឹងនៃការបាត់បង់ជីវិតរបស់តារាចម្រៀងរ៉េបល្បីឈ្មោះ RuthKo។
តាមព័ត៌មានបឋម បានឱ្យដឹងថា តារាចម្រៀងរ៉េប Ruthko គ្រូបង្វឹកក្នុងកម្មវិធី Rapper Fighter បានជួបគ្រោះថ្នាក់ចរាចរណ៍នៅផ្លូវ ៦០ ម៉ែត្រ វេលាម៉ោង ១ និង ៤០ នាទី យប់រំលងអាធ្រាត ឈានចូលថ្ងៃទី ៦ ខែ មករា ឆ្នាំ២០២៥។
មរណភាពរបស់លោក RuthKo បានធ្វើឱ្យអ្នកគាំទ្រ និង មិត្តសិល្បករជាច្រើនស្លុតចិត្ត មិនទាន់អាចទទួលយកបានដោយ នៅយប់ថ្ងៃកើតហេតុឃើញមានវត្តមានតារាចម្រៀងរ៉េបជាច្រើនបានទៅដល់បង្ហាញក្ដីតក់ស្លុត យំសោកមិនអាចទទួលយកការពិតបាន ហើយក៏មានតារាចម្រៀងរ៉េប សិល្បករជាច្រើនទៀតបានបង្ហោះសាររំលែកទុក្ខទាំងយប់នៃការបាត់បង់ធនធានមនុស្សដ៏ល្អក្នុងវិស័យចម្រៀងរ៉េបនេះ៕
