អ្នកគាំទ្រនិយមតាមដាន ពីជីវិតឯកជនរបស់តារាចម្រៀង Original Song ម្ចាស់បទ «Forever Alone» លោក ម៉ា ច័ន្ទបញ្ញា ច្បាស់ជាបានជ្រាបហើយថា កាលពីថ្ងៃទី ២១ ខែមិថុនា ឆ្នាំ ២០២៥ កន្លងទៅ លោកបានដឹកដៃចាស់ទុំទៅចូលស្តីដណ្តឹងមិត្តស្រី ក្រោយទាក់ទងគ្នាជាង ៤ ឆ្នាំ បញ្ចប់ងារជាសង្សារក្លាយជាគូដណ្តឹងហើយ។
ក្នុងនោះដែរ គូដណ្តឹងរបស់លោក ម៉ា ច័ន្ទបញ្ញា ត្រូវបានគេដឹងថា មិនមែនជាអ្នកសិល្បៈនោះទេ ប៉ុន្តែបើនិយាយពីរូបសម្រស់វិញ គឺនាងស្អាតទាំងព្រម និង មានចំណេះដឹង ថែមទាំងពូកែរកស៊ីទៀតផង។
ងាកទៅកាន់កម្មវិធីភ្ជាប់ពាក្យ លោក ម៉ា ច័ន្ទបញ្ញា វិញ គេបានសង្កេតថា លោកមិនសូវបានអញ្ជើញមិត្តក្នុងសិល្បៈចូលរួមនោះឡើយ ពោលគឺមានអ្នកស្និទ្ធស្នាលប៉ុន្មានរូបប៉ុណ្ណោះ។ យ៉ាងណាមិញ បើទោះជាកម្មវិធីរៀបចំលក្ខណៈគ្រួសារក៏ពិតមែន ប៉ុន្តែអនាគតគូស្វាមីភរិយាមួយគូ បានបង្ហាញស្នាមញញឹមពោរពេញដោយសុភមង្គល និង ទទួលបានការជូនពរពីសំណាក់អ្នកគាំទ្រជាច្រើន៕
