កាលពីព្រឹកថ្ងៃទី ២៧ ខែមករា ឆ្នាំ ២០២៥ កន្លងនេះ អ្នកលេងបណ្តាញសង្គមហ្វេសប៊ុក ជាពិសេស អ្នកនិយមទស្សនាព័ត៌មានតាមទូរទស្សន៍ មានក្តីរន្ធត់ចិត្តយ៉ាងខ្លាំង ក្រោយទទួលដំណឹងមរណភាពរបស់កញ្ញា នូ មៈនេត្រអាថាណ្ណា នាយិការងព័ត៌មាន និងជាពិធីការិនីព័ត៌មាន CNC។
កញ្ញា នូ មៈនេត្រអាថាណ្ណា បានទទួលមរណភាពនៅថ្ងៃទី ២៦ ខែមករា ឆ្នាំ ២០២៥ នៅវេលាម៉ោង ១១ និង ០៦ នាទីយប់ ដោយសារជំងឺមហារីក។ ក្នុងនោះ ពិធីបុណ្យសពរបស់នាយិការងព័ត៌មាន និងជាពិធីការនីព័ត៌មាន CNC នូ មៈនេត្រអាថាណា នឹងរៀបចំឡើងនៅគេហដ្ឋាន បុរីវិមានភ្នំពេញ ផ្លូវជាសុផារ៉ា 598 គំរោងទី1 ,ផ្ទះលេខ 68B , ផ្លូវ 348A នាថ្ងៃទី ០១ ខែកុម្ភៈ ឆ្នាំ ២០២៥ នេះ។
បើតាមការជម្រាបដំណឹងពីក្រុមគ្រួសារបានឱ្យដឹង សពកញ្ញា នូ មៈនេត្រអាថាណ្ណា នឹងធ្វើដំណើរពីប្រទេសថៃ មកដល់ប្រទេសកម្ពុជានៅយប់ថ្ងៃទី ៣១ ខែមករា ឆ្នាំ ២០២៥ ដោយពិធីបុណ្យនឹងចាប់ផ្តើមនៅថ្ងៃទី ០១ រួមគ្នានឹងបុណ្យ ៧ ថ្ងៃតែម្តង រីឯសពនឹងបូជានៅព្រឹកថ្ងៃទី ០៣ ខែកុម្ភៈ ឆ្នាំ ២០២៥ វេលម៉ោង ៩ និង ៣០ នាទីព្រឹក។
គួរជម្រាបថា កញ្ញា នូ មៈនេត្រអាថាណ្ណា បានទទួលមរណភាពនៅយប់ថ្ងៃទី ២៦ ខែមករា ឆ្នាំ ២០២៥ កន្លងទៅ នៅប្រទេសថៃ ដោយសារជំងឺមហារីក៕
