កាលពីថ្ងៃទី ២៥ ខែសីហា ឆ្នាំ ២០២៥ កន្លងទៅនេះ ប្រជាជនខ្មែរជាច្រើននៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បាននាំគ្នាតវ៉ាយ៉ាងអង់អាចក្លាហានជាមួយក្រុមទាហានថៃ ដែលបានយកបន្លាលួសមករាយព័ទ្ធទឹកដីផ្ទះសម្បែងខ្លួន រហូតដល់ទាហានថៃព្រមដកខ្លួនចេញទៅវិញ។
យ៉ាងណាមិញ ភាពអង់អាចក្លាហានរបស់ប្រជាជនខ្មែរដែលរួមគ្នាការពារទឹកដីរបស់ខ្លួន បានធ្វើឱ្យប្រជាជនថៃច្រើនកើតទុក្ខមិនសុខចិត្តឡើយ ម្នាក់ៗកើតការក្តៅក្រហាយគិតថាទឹកដីនោះជារបស់ខ្លួន ហើយទាហានមានសិទ្ធិព័ទ្ធយក។ រហូតមកដល់ថ្ងៃទី ២៦ ខែសីហា ឆ្នាំ ២០២៥ នេះ ទើបមានប្រជាជនថៃមួយក្រុម ដែលតាមព័ត៌មានបានឱ្យដឹងថាជាអ្នកស្រុកស្រះកែវ បាននាំគ្នាហូរហែមកតវ៉ានៅតំបន់ដែលទាហានពួកគេព្យាយាមរាយបន្លាលួសយកនោះ ដោយម្នាក់ៗបានស្រែកដេញប្រជាជនខ្មែរ និង មើលងាយជាពាក្យពេចន៍ផ្សេងៗ ព្រមទាំងអួតថាខ្លួនជាម្ចាស់ទឹកដីដោយមិនខ្ចីខ្មាសរអៀសមាត់បន្តិចណាឡើយ។
ដោយឡែក ទង្វើនេះ បានបញ្ជាក់ឱ្យឃើញថាប្រជាជនថៃពិតជាជនជាតិដែលមានភាពលោភលន់ខ្លាំងណាស់ រមែងប៉ងចង់បានទឹកដីអ្នកដទៃ ទាំងដែលទឹកដីនេះជាទឹកដីរបស់ខ្មែរដែលមានប្រជាជនរស់នៅមករាប់សិបឆ្នាំមកហើយ៕
ប្រភព៖ AMARINTV
