អស់រយៈពេល ១៦ ឆ្នាំមកនេះ សាប្រ៊ីណា អលង្ការ (Sabrina Jewelry) ដែលមាន លោកស្រី ហ៊ីង សុខផល ជាស្ថាបនិក បានឈរឈ្មោះជាហាងគ្រឿងអលង្ការពេជ្រ ដែលមានគុណភាព សោភណភាព ប្រណីតភាព ជាពិសេសមានទំនួលខុសត្រូវខ្ពស់ ដែលផ្តល់នូវទំនុកចិត្តដល់អតិថិជនឥតឈប់ឈរ។
ជាក់ស្តែង កន្លងមកមិនថាស្ថិតក្នុងស្ថានភាពលំបាកដូចជា អំឡុងកូវីដ-១៩ ឬ ខណៈដែលហាងមួយចំនួន មានបញ្ហាទាក់ទងនឹងការលក់ហើយមិនទិញចូលមកវិញ ដោយឡែកសម្រាប់ សាប្រ៊ីណា អលង្ការ នៅតែឈរជើងរឹងមាំ អាចបំពេញសេវាកម្មល្អ ប្រកបដោយទំនួលខុសត្រូវខ្ពស់ជាមួយអតិថិជនជានិច្ច។
ដោយសារទំនុកចិត្ត និង ការគាំទ្រខ្លាំងពីអតិថិជន សាប្រ៊ីណា អលង្ការ បានពង្រីកខ្លួនកាន់តែធំជាងមុន ដោយវិនិយោគបង្កើតជាអគារដ៏ទំនើបគឺ Sabrina Prestige ដែលមកជាមួយបណ្តុំអាជីវកម្មដូចជា៖ ឃ្វីក ប៊ីយូធី ស្ប៉ា អូឡាំព្យា, អាថេណា អលង្ការ (Athena Jewelry) និង ការិយាល័យសម្រាប់ជួល ដែលទើបធ្វើការសម្ពោធផ្លូវការកាលពីថ្ងៃទី ៨ ខែឧសភា ឆ្នាំ ២០២៥ មានទីតាំងស្ថិតនៅ អគារលេខ S8-20 ផ្លូវហ្វាយណាន់សល ទីក្រុងអូឡាំព្យា សង្កាត់វាលវង់ ខណ្ឌ ៧ មករា ទល់មុខ Brown Olympia ចំកណ្តាលរាជធានីភ្នំពេញ។
ជាការពិត នៅក្នុងថ្ងៃបើកសម្ពោធអគារ Sabrina Prestige លោកស្រី ហ៊ីង សុខផល ស្ថាបនិក សាប្រ៊ីណា អលង្ការ ក៏បានបើកសម្ពោធដំណាលគ្នាជាមួយហាង ឃ្វីក ប៊ីយូធី ស្ប៉ា អូឡាំព្យា ជាសាខាទី ៥ ដែលត្រូវបានលោកស្រីទិញ Franchise (ហ្រ្វែនឆាយ) បន្ទាប់ពីលោកស្រីបានសិក្សាលើអាជីវកម្មនេះ ប្រមាណពីរទៅបីឆ្នាំ។ ផ្តើមពីអតិថិជនរហូតក្លាយជាអ្នកទិញ Franchise (ហ្រ្វែនឆាយ) លោកស្រីពេញចិត្តយ៉ាងខ្លាំងទៅលើសេវាកម្មកក់សក់ម៉ាស្សាបែបចិន ហើយដោយលោកស្រីជាមនុស្សស្រលាញ់ភាពស្រស់ស្អាត ទាំងគ្រឿងអលង្ការ និង ចង់ឱ្យមនុស្សស្រីស្រស់ស្អាតពីខាងក្នុង ជាពិសេសចង់ឱ្យអតិថិជន សាប្រ៊ីណា អលង្ការ ទទួលបានសេវាកម្មកាន់តែល្អទាំងសម្រស់ និង ភាពស្រស់ស្រាយ លោកស្រីក៏សម្រេចចិត្តទិញ Franchise (ហ្រ្វែនឆាយ) នេះតែម្តង។
ឃ្វីក ប៊ីយូធី ស្ប៉ា អូឡាំព្យា បានរៀបចំឡើងយ៉ាងស៊ីវិល័យ ដោយកន្លែងផ្តល់សេវាកម្មមានរហូតដល់ទៅ ៣ ជាន់ និង មានជាបន្ទប់ VIP ផងដែរ។ ក្រៅពីសេវាកម្មកក់សក់ម៉ាស្សាបែបចិនដ៏ពេញនិយម ក្នុងនោះមានសេវាកម្មជាច្រើនទៀតដូចជា៖ សេវាកម្មម៉ាស្សាមុខ, ផាត់មុខធ្វើសក់, ធ្វើក្រចក, សេវាកម្មចិញ្ចើម និង មាត់, សេវាកម្មបាញ់ HIFU សម្រក, សេវាកម្មបាញ់ Laser ជម្រុះរោម, សេវាកម្មសម្អាតត្រចៀកបែបចិន, សេវាកម្មតរោមភ្នែក ជាពិសេស សេវាកម្មអ្នកម៉ាក់កូនខ្ចី ជាសេវាកម្មកំពុងផ្ទុះខ្លាំង ជួយឱ្យម៉ាក់ៗមានសុខភាពល្អ និង មានរាងស្អាតឡើងវិញ។
ក្រៅពី ឃ្វីក ប៊ីយូធី ស្ប៉ា អូឡាំព្យា ដែលបានបើកសម្ពោធនេះ ក៏នៅមាន អាថេណា អលង្ការ (Athena Jewelry) ស្ថិតនៅជាន់ទី ៨ ដែលជាបុត្រសម្ព័ន្ធថ្មីមួយទៀតរបស់ សាប្រ៊ីណា អលង្ការ ថែមទៀត។ ដោយមានអតិថិជនតែងតែសួររកច្រើនអំពីគ្រឿងអលង្ការពេជ្របណ្តុះ ដូចនេះដើម្បីឆ្លើយតបទៅនឹងតម្រូវការ សាប្រ៊ីណា អលង្ការ ក៏បានបង្កើត អាថេណា អលង្ការ (Athena Jewelry) នេះឡើង ដោយផ្តោតលើគ្រឿងអលង្ការពេជ្របណ្តុះ ឬ ពេជ្រចិញ្ចឹម ខណៈដែល សាប្រ៊ីណា អលង្ការ នៅតែរក្សាគោលជំហរផ្តោតទៅលើពេជ្រធម្មជាតិ។
ទន្ទឹមគ្នានេះ នៅក្នុងអគារ Sabrina Prestige ក៏ការិយាល័យសម្រាប់ជួលដល់ទៅ ៥ ជាន់ ទំហំធំទូលាយ ម៉ូដទាន់សម័យ ទីតាំងចំកណ្តាលក្រុង ផ្តល់នូវភាពងាយស្រួល ផាសុកភាព និង មានតម្លៃសមរម្យបំផុត ថែមទៀត។
ចំពោះគោលបំណងបើកអាជីវកម្មនេះ លោកស្រី ហ៊ីង សុខផល ស្ថាបនិក សាប្រ៊ីណា អលង្ការ ក៏ដូចជាជាម្ចាស់អគារ Sabrina Prestige បានលើកឡើងថា ៖ «គោលបំណងធំបំផុតគឺ យើងផ្តល់ជូននូវសេវាកម្មដ៏ល្អ ប្រកបដោយគុណភាព ទំនុកចិត្ត និង ទំនួលខុសត្រូវ រួមទាំងផ្តល់ឱកាសការងារដល់ប្រជាជនកម្ពុជាកាន់តែច្រើន ដើម្បីជាចំណែកចូលរួមអភិវឌ្ឍន៍សេដ្ឋកិច្ច និង សង្គមជាតិ។ សាប្រ៊ីណា អលង្ការ រីកចម្រើនធំ យើងនឹងកាន់តែរឹងមាំ ផ្តល់នូវទំនុកចិត្តដល់អតិថិជនគ្រប់រូប និង គ្រប់កាលៈទេសៈ»។
ដើម្បីអបអរសាទរថ្ងៃបើកសម្ពាធនេះ ចំពោះ ឃ្វីក ប៊ីយូធី ស្ប៉ា អូឡាំព្យា ក៏មានការផ្តល់ជូននូវប្រូម៉ូសិនពិសេសរហូតដល់ 65% គ្រប់សេវាកម្មទាំងអស់។ មិនតែប៉ុណ្ណោះ រាល់អតិថិជនដែលជាវកាតសមាជិក VIP ឬកញ្ចប់ នឹងទទួលបានសន្លឹកឆ្នោតសម្រាប់ផ្សងសំណាងយករង្វាន់ខ្សែ-កពេជ្រ ដែលមានតម្លៃរហូតដល់ 2200$ ជាង។ អ្វីដែលពិសេសទៀតនោះ អតិថជនទាំងអស់ក៏នឹងទទួលបានប័ណ្ណបញ្ចុះតម្លៃថ្លៃឈ្នួលពីហាងពេជ្រ សាប្រ៊ីណា ចំនួន 50% ថែមទៀតផង ដែលជាតម្លៃទាបជាងទីផ្សារ និង មានតែនៅហាង ឃ្វីក ប៊ីយូធី ស្ប៉ា សាខាអូឡាំព្យាតែមួយគត់៕
