ជាការពិត បើទោះជាកញ្ញា សៃហ្វុន ជាបវរកញ្ញាភេទទី ៣ មែន ប៉ុន្តែ Miss Queen Cambodia 2021 និង ជាលំដាប់រងទី ១ Miss Universe Cambodia 2023 រូបនេះ តែទទួលបានការសរសើរ និង ចាប់ភ្លឹកពីរូបសម្រស់របស់នាង ដែលស្រស់សោភាខ្លាំង សឹងតែស្អាតជាងមនុស្សស្រីពិតមួយចំនួនទៀតផង។
ក្នុងនោះ ក្រៅពីអាជីពក្នុងវិស័យបវរកញ្ញា កញ្ញា សៃហ្វុន ក៏ជាអ្នករកស៊ីមួយរូប មានឈ្មោះជាថៅកែហាងកែសម្ឋស្សល្បីឈ្មោះមួយរូបក្នុងទីក្រុងភ្នំពេញថែមទៀតផង។
ងាកមកកាន់ជីវិតឯកជនក៏ដូចជា កញ្ញា សៃហ្វុន មិនត្រឹមតែជោគជ័យក្នុងអាជីពសិល្បៈ និង ការបើកមុខជំនួញនោះទេ តែរឿងរ៉ាវស្នេហាក៏បវរកញ្ញាភេទទី ៣ រូប នេះ សមប្រកបជួបបុរស ដែលស្រឡាញ់យកចិត្តទុកដាក់ និង មើលថែនាងយ៉ាងមានសុភមង្គល។ ក្នុងនោះ នាង និង គូស្នេហ៍បានស្រឡាញ់គ្នារយៈពេល ៧ ឆ្នាំ ហើយ។
ជាក់ស្តែងនៅថ្ងៃទី ២៩ ខែវិច្ឆិកា ឆ្នាំ ២០២៤ កន្លងទៅ ដែលជាថ្ងៃគម្រប់ខួបស្នេហ៍ ៧ ឆ្នាំ កញ្ញា សៃហ្វុន បានបង្ហោះវីដេអូ និង សារដ៏ផ្អែមល្ហែមថា ៖ «Anniversary 7 years ជាមួយបង Camera Man love you 1000 years »៕
