នៅវេលាម៉ោង ១ យប់ ឈានចូលថ្ងៃទី ០៧ ខែឧសភា ឆ្នាំ ២០២៥ កន្លងទៅថ្មីៗនេះ មានករណីបុរសភេទទី ៣ ម្នាក់ បានខ្ចីទូរស័ព្ទក្មេងស្រីម្នាក់ដើម្បីខល ហើយស្រាប់តែលួចយកទៅបាត់ រហូតគេតាមទាន់ បង្កជាការភ្ញាក់ផ្អើលនៅតាមបណ្ដោយផ្លូវមុខពេទ្យកាល់ម៉ែត្រ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ទាក់ទិនទៅនឹងករណីនេះ តាមប្រភពព័ត៌មានបានឱ្យដឹង បុរសភេទទី ៣ ខាងលើបានខ្ចីទូរស័ព្ទក្មេងស្រី រួចរត់គេចខ្លួន ទើបក្មេងស្រីដែលជាម្ចាស់ទូរស័ព្ទពឹងអ្នកភូមិឱ្យជួយតាមរក ទើបឃើញជនសង្ស័យដែលជាភេទទី ៣ នេះនៅចំណុចមុខពេទ្យកាល់ម៉ែត្រ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ក្រោយឃាត់ខ្លួន និង ធ្វើការសួរនាំ បុរសជាភេទទី ៣ និង សង្ស័យថាបានយកទូរស័ព្ទក្មេងស្រីនោះ បែរជាបានឆ្លើយដោះសារខ្លួនថាមិនបានលួចនោះឡើយ គឺវិញ្ញាណជាអ្នកឱ្យយក និង បានអះអាងថាខ្លួនពុំមានប្រើប្រាស់សារធាតុញៀននោះឡើយ។ បច្ចុប្បន្នជនសង្ស័យ ត្រូវបានសមត្ថកិច្ចនាំខ្លួនទៅកាន់ប៉ុស្តិ៍នគរបាលរដ្ឋបាលសង្កាត់ស្រះចក ដើម្បីសាកសួរ និង ដោះស្រាយបន្តតាមនីតិវិធី៕
