ធ្មេចបើកៗ កម្មវិធី Meet Gala បានត្រលប់មកជាថ្មី ជាកម្មវិធីដែលគេតែងទន្ទឹងរង់ចាំមើលស្ទីលលេងខ្លួនរបស់តារាល្បីៗ បង្អួតគ្នាលើកម្រាលព្រំក្រហម។ បុគ្គលសំខាន់ៗរាប់តាំងពី តារាលំដាប់ជួរមុខ(A-listers), អ្នកច្នៃម៉ូដ, Influencer និង បុគ្គលល្បីជាច្រើនទៀត បានមកជួបជុំគ្នានៅទីក្រុងញ៉ូវយកក្នុងកម្មវិធី Meet Gala 2025 ដែលធ្វើឡើងនៅសារមន្ទីរ The Metropolitan Museum of Art ដែលជាការចូលរួមអបអរប្រចាំឆ្នាំសម្រាប់បើកការតាំងពិព័រណ៍របស់វិទ្យាស្ថានសម្លៀកបំពាក់។
ប្រធានបទនៃការតាំងពិព័រណ៍ឆ្នាំនេះគឺ «Superfine: Tailoring Black Style» ដែលបំផុសគំនិតពីសៀវភៅហ្វេហ្សិនចំណងជើង Slaves to Fashion Black Dandyism and the Styling of Black Diasporic Identity ដែលនិពន្ធឡើងដោយអ្នកប្រាជ្ញ Monica Miller។
សម្រាប់កូដសម្លៀកបំពាក់ ឬ dress code ចូលរួមកម្មវិធីលើកនេះវិញ គឺ «Tailored for You» ឬនិយាយឱ្យងាយយល់គឺ សម្លៀកបំពាក់បែបឈុតកាត់ដេរ។ ដូច្នេះចង់ដឹងតារាស្រីល្បីៗបំបែកម៉ូដ បង្កើតជាស្ទីលលេងខ្លួនឡូយយ៉ាងណាខ្លះ សូមទស្សនាដូចខាងក្រោម៖
