ផ្អើលពិភពហ្វេហ្សិន! និពន្ធនាយកទស្សនាវដ្តីដ៏ល្បីរបស់អាមេរិក លាលែងតំណែង ក្រោយបំពេញតួនាទីជិត ៤០ ឆ្នាំ

នៅក្នុងវិស័យហ្វេហ្សិនសកល នរណាដែលថាមិនស្គាល់ Anna Wintour ដែលនាងគឺជានិពន្ធនាយកដ៏ល្បីរបស់ទស្សនាវដ្តី Vogue អាមេរិក។ អស់រយៈពេល ៣៧ ឆ្នាំ មកនេះ នាងបានសាងសមិទ្ធផលអស្ចារ្យជាច្រើននៅក្នុងពិភពហ្វេហ្សិន ហើយនៅថ្ងៃនេះ នាងបានលាលែងពីតំណែងហើយ។​

មានវ័យ ៧៥ ឆ្នាំ Anna Wintour បានក្លាយជានិពន្ធនាយកនៅទស្សនាវដ្តី Vogue តាំងពីឆ្នាំ ១៩៨៨។ តាមរយៈតំណែងការងារ ជាប្រចាំខែ នាងតែងបង្កើតក្របមុខទស្សនាវដ្តី Vogue ឱ្យមានភាពល្បីល្បាញ ជាមួយហ្វេហ្សិនសហសម័យ និង គ្រប់គ្រងទំព័រខាងក្នុងប្រកបដោយភាពទាក់ទាញ និង អស្ចារ្យ។​

ចំពោះហេតុផលលាលែងតំណែង ម្ចាស់ក្រុមហ៊ុន Conde Nast ដែលបោះពុម្ពផ្សាយទស្សនាវដ្តីនេះ បានលើកហេតុផលយ៉ាងខ្លីថា គឺនាងចូលនិវត្តន៍។

បើទោះលាលែងតំណែង ប៉ុន្តែ Anna Wintour ​នឹងនៅបន្តក្នុងនាមជាអ្នកត្រួតពិនិត្យការបោះពុម្ភផ្សាយទស្សនាវដ្តីផ្សេងៗ ដែលបង្កើតឡើងដោយក្រុមហ៊ុន Conde Nast ដូចជា ទស្សនាវដ្តី Vogue, Wired, Vanity Fair, GQ, Conde Nast Traveler and Glamour៕​

ប្រភព៖ globalnation