កាលពីថ្ងៃទី ២៨ ខែតុលា ឆ្នាំ ២០២៥ កន្លងទៅនេះ ក្រុមប៉ូលិសនៅក្នុងប្រទេសប្រេស៊ីល បានបើកប្រតិបត្តិការដ៏ខ្លាំងក្លាមួយ ដែលបង្រ្កាបទៅលើក្រុមជួយដូរគ្រឿងញៀនដ៏ធំនៅក្នុងប្រទេស ដែលបណ្តាលឱ្យអ្នកស្លាប់ចំនួន ១៣២ នាក់។
តាមព័ត៌មានបានឱ្យដឹងថា ការបង្រ្កាបនេះមានការរៀបផែនការមុនប្រមាណជា ២ ខែ ដែលកម្លាំងប៉ូលិសប្រមាណចំនួន ២៥០០ នាក់ ដោយគោលដៅគឺជាក្រុមជួយដូរគ្រឿងញៀនមួយឈ្មោះថា Comando Vermelho ដែលបានសម្បុកនៅក្នុងតំបន់អនាធិបតេយ្យមួយក្នុងទីក្រុង Rio de Janeiro។ ក្នុងនោះ ប៉ូលិសបានឆ្មក់ទៅលើក្រុមជនទាំងនេះ ដែលបង្កឱ្យមានការតទល់គ្នាយ៉ាងសាហាវ ក្រោយមកប៉ូលិសបានប្រើល្បិចឱ្យពួកគេចូលទៅក្នុងតំបន់ភ្នំដែលមានព្រៃឈើ ហើយក៏ព្រួតបង្រ្កាបទាល់តែបែកហ្វូង។
ក្នុងនោះ តាមព័ត៌មានបានឱ្យដឹងថា មានអ្នកស្លាប់ចំនួន ១៣២ នាក់ ដែលមាន ៤ នាក់គឺជាប៉ូលិស និងចាប់ខ្លួនបាន ៨១ នាក់ទៀត។ លើសពីនេះ ប៉ូលិសរឹបអូសបានកាំភ្លើងវែងចំនួន ៩៣ ដើម និងគ្រឿងញៀនប្រមាណជាកន្លះតោន៕
ប្រភព៖ New York Post
