កាលពីថ្មីៗកន្លងទៅនេះ មានករណីមួយនៅប្រទេសថៃបានកើតឡើង ដោយបុរសម្នាក់ពាក់កងនៅអាអូនតូច ឱ្យជួយបង្កើនសមត្ថភាពផ្លូវភេទ តែមានអីបែរជារលាកឈឺប្រកាច់ប្រកិន ផ្អើលអស់គេឯងនាំគ្នាមកជួយ។
តាមព័ត៌មានបានឱ្យដឹងថា បុរសរូបនេះមានវ័យ ៤២ ឆ្នាំ ហើយកាលពី ២ ថ្ងៃមុន ដោយសារតែចង់បង្កើនសមត្ថភាពផ្លូវភេទរបស់ខ្លួន ក៏បានយកកង Stainless steel មកពាក់នៅប្រដាប់ភេទ តែចៃដន្យអីពាក់ហើយស្រាប់តែដោះចេញវិញមិនបាន។ ក្រោយមកប្រដាប់ភេទក៏កើតការហើម និង ឈឺចាប់យ៉ាងខ្លាំង ទើបប្រញាប់ទៅមន្ទីរពេទ្យ ដើម្បីសុំជំនួយ។
យ៉ាងណាមិញ ខាងគ្រូពេទ្យ រួមទាំងអ្នកជួយសង្រ្គោះបានឱ្យដឹងថា បរិវេណប្រដាប់ភេទដែលពាក់កងនោះ មានការឆ្លងមេរោគ និង រលាកជាខ្លាំង ហើយបុរសខាងលើនេះក៏មានការឈឺចាប់ប្រកាច់ប្រកិន រហូតដល់គ្រូពេទ្យ និង ក្រុមអ្នកជួយសង្រ្គោះនាំគ្នាចាប់ដៃចាប់ជើងអស់រយៈពេល ៤៥ នាទី ទើបអាចកាត់កងនោះចេញបានសម្រេច៕
ប្រភព៖ AMARINTV
