ជារឿងដ៏គួរឱ្យភ្ញាក់ផ្អើល និង នឹកស្មានមិនដល់ នៅព្រឹកថ្ងៃទី ១០ ខែកក្កដា ឆ្នាំ ២០២៥ នេះ មានគេប្រទះឃើញសាកសពមួយ ស្ថិតនៅចំណុចដីឡូត៌ តាមបណ្ដោយផ្លូវ OCIC ស្ថិតក្នុងភូមិសាស្ត្រសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ទាក់ទិនទៅនឹងករណីដ៏អកុសល្យនេះ តាមរយៈព័ត៌មានបឋម ដែលទទួលបានពីប្រភពព័ត៌មានបានឱ្យដឹងថា នៅព្រឹកថ្ងៃទី ១០ ខែកក្កដា ឆ្នាំ ២០២៥ ស្ថិតនៅចំណុចដីឡូតិ៍មួយកន្លែងតាមបណ្តោយផ្លូវ OCIC សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ មានគេប្រទះឃើញសាកសពបុរសម្នាក់ ភេទប្រុស បានបាត់បង់ជីវិតត្រង់ចំណុចដីឡូតិ៍ខាងលើ ដែលនៅក្បែរទីតាំងកើតហេតុនោះទៀតសោត ត្រូវបានគេសង្កេតឃើញមានដំបងឈើមួយ ដែលមានប្រឡាក់ឈាម ស្ថិតនៅក្បែរចំណុចកើតហេតុផ្ទាល់តែម្ដង។
យ៉ាងណាមិញ ក្រោយមានការភ្ញាក់ផ្អើល នគរបាលជំនាញ បាន និង កំពុងធ្វើកោសល្យវិច័យទៅលើសាកសពខាងលើ ដើម្បីស្វែងរកការពិត ខណៈព័ត៌មានលម្អិតបន្ថែមយើងនឹងជម្រាបជូននៅពេលក្រោយ៕
ប្រភព និង រូបភាព ៖ CNC
