នៅព្រឹកថ្ងៃទី ៣ ខែឧសភា ឆ្នាំ ២០២៥ នេះ កំពូលតារាចម្រៀង ឱក សុគន្ធកញ្ញា បានបង្ហោះសារទាំងព្រឹក ច្រានចោលនូវរឿងឆបោកមួយនៅលើបណ្តាញសង្គមហ្វេសប៊ុក ដោយមានជនអនាមិកបានបង្កើតគណនីហ្វេសប៊ុកក្លែងក្លាយ ហើយបានឆាតឆបោកអ្នកដទៃតាមរយៈឆាតហ្វេសប៊ុក និង ជាមួយគ្នានោះក៏មានក្នុងតេឡេក្រាមថែមទៀត។
ក្នុងសារនោះដែរ អ្នកនាង ឱក សុគន្ធកញ្ញា បានរៀបរាប់ថា ៖ «សួស្តី ពុកម៉ែ បងប្អូន ទាំងអស់គ្នា ដោយក្តីគោរពស្រឡាញ់ពីនាងខ្ញុំ ឱក សុគន្ធកញ្ញា។ សូមចេញមកបកស្រាយជាមួយបញ្ហាដែលកំពុងកើតឡើង ជាមួយគណនីឆបោកដែលបន្លំជារូបនាងខ្ញុំ។ សូមបងប្អូនកុំមានការយល់ច្រឡំ គណនីដែលមានក្នុងរូបនេះ និង ផ្សេងៗជាគណនីក្លែងបន្លំ»។
គួរជម្រាបថា នេះមិនមែនជាលើកទី ១ នោះទេ ដែលមានសិល្បករ សិល្បការិនីជាច្រើនត្រូវបានជនអនាមិក បន្លំបង្កើតគណនីបណ្តាញសង្គម ដើម្បីឆបោកតាមរយៈរូបភាពផ្សេងៗនោះ៕
