មហាជននិយមតាមដានរឿងរ៉ាវសិល្បៈ ច្បាស់ជាបានជ្រាបមកហើយនូវរឿងរ៉ាវលុយកាក់របស់តារាកំប្លែង អ្នកនាង ខ្ញុង ដែលធ្លាប់ជាប់បុលលុយលោក ម៉ាដូណា។
កាលនោះ គេចាំបានថា លោក ម៉ាដូណា បានចេញមកបង្ហោះសារជារឿយៗពាក់ព័ន្ធនឹង អ្នកនាង ខ្ញុង ខ្ចីលុយមិនទាន់សង និង សន្យាសងម្តងថ្ងៃនេះ ម្តងថ្ងៃនោះ រហូតធ្វើឱ្យលោកមានបញ្ហាទៀត ព្រោះលុយ ដែលអ្នកនាង ខ្ញុង យកទៅមានទាំងរបស់លោកផង និង លោកធានាខ្ចីពីអ្នកផ្សេងផង។
ដោយឡែក រឿងរ៉ាវខាងលើហាក់ស្ងប់ស្ងាត់មួយរយៈហើយនោះ ស្រាប់តែនៅថ្ងៃទី ០៤ ខែកុម្ភៈ ឆ្នាំ ២០២៥ នេះ លោក ម៉ាដូណា បានទម្លាយឆាតទារលុយពីអ្នកនាង ខ្ញុង តាំងពីចុងឆ្នាំ ២០២៤ ប៉ុន្តែមិនមានការឆ្លើយតប រហូតធ្វើឱ្យលោកបង្ហោះសារទម្លាយរឿងជាថ្មី។
ក្នុងនោះ លោក ម៉ាដូណា បានរៀបរាប់ថា៖ «ធានាលុយឱ្យវាផង បោកលុយខ្ញុំផង ខំរាប់អាន និង ទុកចិត្ត ចុងក្រោយលែងខ្វល់។ ជាអ្នកសិល្បៈដ៏ថោកទាបបំផុត កំពូលកុហករកលេខដាក់គ្មាន។ សំខាន់មើលងាយបងប្អូនខ្មែរនៅស្រុកក្រៅ សុទ្ធតែថាចោលឆ្អឹង ហើយខ្មឺតនិយាយដោយមិនដឹងខុសទៀតហើយឡើងតុបំភ្លឺ និយាយបំផ្លើសខុសពីការពិត! ខ្ញុំស្តាប់ហើយឆ្អែត គ្មានដឹងគុណចំពោះមនុស្សគ្រប់គ្នាដែលជួយ និយាយយកខ្លួនឯងល្អ។ ពីមុនថាមិនចង់បង្ហោះរូបមុខវា និង សរសេរចំឈ្មោះវាទេ តែចង់ដឹងថាវាមានលុយប្តឹងយើងទេ បើវាមាន មានន័យថាសុខចិត្តអស់លុយឡើងតុលាការ តែមិនសងយើង។
ពុកម៉ែបងប្អូន រង់ចាំទស្សនា ការឡាយរបស់ខ្ញុំនឹងបង្ហាញភស្តុតាងទាំងអស់ ហើយពេលខ្ញុំឡាយ ខ្ញុំជឿជាក់មានជនរងគ្រោះជាច្រើននាក់ ដែលត្រូវវាកុហក និង មិនសងបោកប្រាស់លុយជាច្រើននាក់ផងដែរ។ នាងឯងសំណាងហើយ ដែលបងប្អូននៅស្រុកក្រៅគ្រប់ប្រទេសនាំគ្នារីផតផេកកុំឱ្យរកស៊ីបាន ដើម្បីជាការប្រមាណក្នុងការដៀលបងប្អូនខ្មែរនៅក្រៅប្រទេស។ ខ្ញុំនឹងបង្ហោះនាងឯងរហូតដល់សងលុយខ្ញុំឱ្យគ្រប់ចំនួន មិនគិតពីកូនចៅខ្លួនឯងសោះ ថាគ្នាខ្មាសប៉ុនណា ដែលមានម្តាយបែបនេះ កុហកសាហាវ»៕
